ابيات اعجبتني

[ابوعبدالله]

ياعين من حطيت عيني بعينه =وابطيت واقف في بحر عينها موج
ابحرت في عينه بليا سفينه =سجيت فيها لين ضيعني الموج

حاولت الد الشوف عما يهينه =ولاانتبهت الا وانا فيه ملبوج
شفت الفتن في ملتقى حاجبينه =والسحر في عينه مع الزين مدموج

اسود سواده لابسته السكينه =وابيض بياضه طايش اللون مرجوج
زاويه طرف ٍ حاجز ٍ دمعتينه =لولاه كان الخد بالكحل ممزوج

كاسيه رمش ٍ زاد ملحه وزينه =من فوق متكحل ومن تحت مدعوج
بين الرموش السود شفت الغبينه =واللي رماه الرمش ماعاد له بوج

مرت ثواني من حياتي ثمينه =وانا اتهادى بين الاشواق وأدوج
مرت وانا قابض على راحتينه =واقف مقابل له وساهي ومدلوج

مدري وش اللي صار بيني وبينه =والقلب ماردنه ضلوعي العوج
ولا انتبهت الا بسحبة يدينه =قال انت تبغى الناس تلحقني هروج

قلت اعذر اللي شافك الله يعينه =يبطي ودمعه بعد فرقاك مزعوج
عينك بنظرات الغلا مستهينه =قال الغلا في داخل القلب منسوج

قلت الوعد قال ايه كلش بحينه =الله يفتح لك من الضيقه فجوج
قلت آآه .. طيب شف لي الدرب وينه =قال انتبه باقي على شفتك روج

[الجوكر]

قصيدهـ راااائعه وذؤؤؤق منكـ اجمل

يعطيكـ العاافيه

[وليف الجرح]

الله يعطيك العافيه على النقل الموفق

مشكووووووووووور

[Diamond]

أبيات أكثر من رائعه يا ذووووووووووووووووووووووووووووووووووووووووووق
مشكور يعطيك العافية

[أبو أسامه]

وصف رائع للعيون وإذا سلهمت العيون أزدادت جمالا . لكن الشاعر بعد ذلك تجاوز كثيرا يا بو عبدالله.
ولك الشكر على هذا النقل وبودنا لو نعرف الشاعر

[أبو رواد]

نقل موفق يا ابو عبدالله وقصيده رائعه