ابوحاتم تفضل

[هاوي]

سلام رديه من صدر وسيع=ياسع لحيان اهل الوفا والجماله
في بيت الوفا يكفينا جميع=يشهد الله ما جانا الا كريم سباله

[عيسى (ابوحاتم)]

هلا يمرحبا باللي مكانه رفيع = نوخ على العليا وتمم كماله
من يبدع القاف سموه البديع = ومن جاك متعني هلا والبقاء له

[عبدالعزيز اللحياني]

ماشاء الله , واصلوا فنحنُ بالإنظار .

[أبو أسامه]

ما شاء الله يا هاوي ويا بو حاتم إستمروا الله لا يحرمنا منكم.

[allhyani999]

السلام عليكم ورحمة الله وبركاته

ماشاء الله تبارك الرحمن يا هاوي وأبو حاتم لا هنتو واصلو نبى نسنتر هنيه على قولت البيسش

[هاوي]

دام البقا ياراع الوفا والصنيع=ونا وانت جدنا راع الشكاله
دام جدنا لحيان والله ما نضيع=

[عيسى (ابوحاتم)]

بنشدك عن سيل سايل ماحصله نفيع = يمطر على دار ويسقي دارن اقباله
طامي وقفى مير عقب نقيع = وخالط شعيبن من سنين مساله

[عيسى (ابوحاتم)]

أسمحلي في تغير الطرق


ياهاوي ابرك وشيل الحمل ثم قم به = الحمل كايد وكم رجلن قعد جمبه
راز الحموله وعود وستخر ربه = والمنتدى منتدى لحيان والعزه



جاء حظنا في بعير ايطيح ويقوم = منحي عن الذود لاطيب ولا وجعان
لا له خطام ولاقياد ولا عليه وسوم = مير البقاء في شعيل ان طاح شعلان

[أبو رواد]

ما شاء الله تبارك الرحمن



واصلوا الله يحفظكم ,,,ونحن متابعون ,,,

[هاوي]

ليا برك هاوي شال حمل شعلان وسرى به=والذيب لو يجر العوى ما درابه
مرسولكم يا عيسى قرينا وفهمنا كتابه=والمنتدى منتدى لحيان والعزه


حظكم جا على بعير ماطلبنا عليه رسوم=فاله زين ومن الشحم مليان
له خطام واقوده ولي عليه وسوم=والبقا بك يالذيب يالذيب سرحان

[فديتكم]

علامكم وقفتوووو توها زانت
هههههههههه

[عيسى (ابوحاتم)]

ياكم دليله غوى دربه ومنهاجه = عيا عن النصح وحامة فوقه اعجاجه
مقفي عن الدرب فرض الله وفجاجه = والمنتدى منتدى لحيان والعزه





ياكم بعيرن يشل الحمل والمقسوم = ميرن شيله وحمله مايجي ربحان
وانته تصلي وتخطي في شهور الصوم = ياكم تعد الشهر والشهر ماحان

[هاوي]

عيسى لو طول الليل لايطفي سراجه=ابي اسهره واطرد النوم عن حجاجه
ولبسه عمامه و ثوب ومحزم وديباجه=والمنتدى منتدى لحيان والعزه


ليا هبط سوق المرجله لا تسوم=ادفع لها الروح واقول ربحان
لك عزم وانا في اللوازم عزوم=الشهر تعدى وانته تقول ماحان

[عيسى (ابوحاتم)]

بسم الله الرحمن الرحيم


سلامات ياهاوي الف مليون سلامه عليك وما تشوف شر ان شاء الله وفالك العافيه .

وبالنسبه للمحاوره ماودي ازيد معاناتك . خلنا انتوقف لين اتقوم ان شاء الله بالسلامه ثم نستمر لان الملاحظ ان الطرق مختلف .


ختاما ياهاوي ان شاء الله اتقوم بالسلامه . ونستمر