قالوا تغزَّل

[عمير بن عويمر اللحياني]

قالوا تغزَّل
قالوا تغزَّل قلت أنا أحب بالحيل = حبٍ عفيف وحب شيءٍ مباحي

أحب أنا بالحيل صُفر المعاميل = وأحب ريح الهيل لا من فاحي

وأحب صَفرا تنسكب فالفناجيل = وياما حلا نجرٍ يلجْ الصياحي

وأحب أنا من الناس ذبَّاحة الْحِيل = أهل الكرم والجود وأهل النصاحي

وأحب أنا المسيار بَرْضٍ بها سيل = وأحب أنا من الزهر زهر الأقاحي

وأحب أنا ركَّابة الهجن والخيل = وأحب فرسان ٍ تهز الرماحي

وأحب أنا المجلاس عند الرياجيل = أهل السوالف والعلوم الملاحي

ويَّاهم أسهر واتعلل تعاليل = حتى ولو طال السَّهر للصباحي

ما مَلْ جلستهم نهارٍ ولا ليل = ولاشك ما لي في سواهم صلاحي

ولا أحب أنا الثرثار بالحيل بالحيل = ولا أحب رجَّالٍ كثير اللحاحي

ولا حب أنا نقَّالة القال والقيل = ولا أحب ناسٍ ينكشون الجراحي

ولا أحب أنا من حبني حب تمثيل = حب الغشش لاشك سمٍ ذحاحي

ولا أحب أنا المسيار يم المهابيل = حتى ولو قُلِّدْت منهم وشاحي

شعر/ عميِّر بن عويمر السويدي اللحياني

[أبو عبدالرحمن]

صح لسانك يابو طارق ..


وأحب أنا من الناس ذبَّاحة الْحِيل = أهل الكرم والجود وأهل النصاحي

والله لا يلومنا في حبك يابو طارق .

[Engr.Fahad]

صح لسانك يابو طارق

الف شكر

[فديتكم]

حيالله ابو طااارق

ماشاء الله لاتحرمنا من ابداعك قصيده وافيه
و
صح لسانك

[بيرق لحيان]

وين القصيدة ما ني شايفها

[النشمي]

[B]قالها اللي تهيض وغنا عادل الأمثال من كل فنا
من ضمير قالها ماستكنا والهواجس جاتني متلافيات
في نهاراً قلتها والقلب ونا يوم أريت اللي بها قلبي تغنا
كامله والزين فيها كاملنا والعيون ألها حواجب مقرنات
خرعوبةٍ بيضاء حسينه خصرها ناحل سوات القوس زينه
عنقها عنق الغزال موصفينه والجعود ان نشرتها سابحات
صدرها بستان فيه الفل زاهي وأثمر التفاح فيه ثم تاهي
والعنب زان أستواه وصار ناهي من روى عوده فنونه مايلات
لابسه ثوب الحلا والكمالي والخواتم من ذهب وألماس غالي
لبسها والجسم كله صار حالي زاهيه بالبس وبكل الصفات
ريحه العنبر وريح المسك فاح عجت الأرياح لين القلب راح
صرت انا محتار ودموعي سفاح حارت أقدامي وضلت حايرات
لديت فيها وهي فيا تلدي ودموع عيني سايلات فوق خدي
قلت وا وجداه بعد انباح سدي بالدموع اللي عليا ذارفات
خاطبتني بالخطاب اللي لطيف هرج مثل الدر من فمها ظريف
طال بي ليلي وانا ليا زنيف سايلتني قلت انا لي قلب فات
قالت انت يامحمد كون جلود ثم ضمتني على ذيك النهود
بعد ذا قطفت وردات الخدود عادلي قلبي وفيا الروح جات
عانقتني والخلايق نايمين يوم كلن نام حنا سامرين
وأشرب الفنجال من يدها اليمين كاس شاهي والحلا ريق الشفات
مابيننا كاس الهوى والود سامر رايق المشروب لهلالٍ وعامر
في مجلسٍ مافيه غير الله خابر مطلع بالبينه والخافيات
وأنتظر في حكم ربي والسلامي وتهنا بعد ماحصل الليامي
بالذي ماغيرها ليا غرامي وأتسلى والخلايق غافلات

من كلمات الشاعر : محمد بن محيسن اللحياني ( رحمه الله )
وسلامتكم .....

[ابويوسف]

صح لسانك يابو طارق

[بني محمد]

صح اللسانك وزان حالك يابو طارق.........
تحياتي المحمدي...

[لطيف الروح]

وأنا أحب أحب أحب أشكرك على هالقصيدهو الله يعطيك العافيه؛؛؛؛

وصح الله لسانك وعلى الخير أعانك00

[عمير بن عويمر اللحياني]

الإخوة الأعزاء الكرام

أبو عبد الرحمن ، المهندس فهد ، فديتكم ، المقيتي ، النشمي

، أبو يوسف ، بني محمد ، لطيف الروح

أشكركم جزيل الشكر على مروركم وصح الله أبدانكم جميعاً

تقبلوا تحياتي وتقديري

أبو طارق

[نمر]

الشاعر / عمير اللحياني ( أبو طارق ) صح لسانك قصيدة جزلة ورائعة

وغزل عفيف فعلاً ومباح أيضاً وكلمات راقية والقصيدة فيها حث على العلوم الغانمة

وفقك الله ودمت لنا سالماً

نمر

[عمير بن عويمر اللحياني]

الأخ / نمر

سرَّني مرورك وأثلج صدري ثناؤك العطر

أرجو من الله أن أكون عند حُسن ظنكم بي

تقبل تحياتي

أبو طارق

[بنت لحيان]

ابو طارق

كلماتك دائمااا مميزة ليست كلكلمات

دمت بود

[عمير بن عويمر اللحياني]

الأخت / بنت لحيان

شكراً لكِ على مرورك وقراءتك لقصيدتي

كما أشكرك على ثناؤك

بارك الله فيكِ وجزيتي خيراً

تقبلي تحياتي

أبو طارق