ارتفاع الاسعار ... نار في نار ... والشعب ان هار .. تكفى يا ابو متعب

[ابوفيصل]

صباح / مساء الخير




يالله .. يالمعبـود .. يالنافـع .. الضـار= ياللـي علـى امـرك تستخيـل المخيلـه
بامرك تسـوق الريـح خيـرات وامطـار= تحيـي هشيـم القـاع ويسيـل سيـلـه
يالله .. بوجهك عـن صودايـف الاقـدار= يالواحـد اللـي كلـنـا نلتـجـي لــه
يالله .. تلطف ستـر ستـرك يـا ستـار= مـا عـاد باقـي فـي يدينـي وسيلـه
افكار .. تقبـل بـي وتقفـي بـي افكـار= ولاهـو بـغـادي فالطـريـق الدليـلـه
صـدري غـدا بـه مثـل نقطـه ودوار= هموم تقفي عنه .. واخـرى تجـي لـه
كنـي علـى تفصـيـل الاخـبـار رادار= سمعت واللي شفـت انـا اشيـا مهيلـه
كلـه سبـب زود المعيشـه يالاخـيـار= والزنـد يقـدح فـوق خشـم الفتيـلـه
لا والله الا ولعـت نــار فــي نــار= عـزي لكـم ياهـل الفلـوس القليـلـه
لعبـه محاكـه بالخفـا بـيـن تـجّـار= وعذر الموزّع .. ( زاد سعـره وكيلـه )
من عقب الاسهم .. ضاع مشروع الاعمار= وقصـرت يديـن اهـل اليديـن الطويلـه
ضحايا الاسهم ..( نصهم ) راح للشهـار= (والنص الاخر ) .. عاش عيشـه ذليلـه
والشعب هـلّ الدمـع مـدرار .. مـدرار= كنّـه علـى وهّـاج حــام المليـلـه
مـا عـاد يقـدر يدفـع قسـوط واجـار= والهمّ .. ياكل مـا بقـى مـن حصيلـه
ماهيـب ملّـي صـارت القصـه امتـار= وكبـد المعنّـى مـن غثاهـا عليـلـه
حتـى البهايـم تشتكـي رفـع الاسعـار= زاد ( الشعيـر ) ويـن تلـقـى مثيـلـه
تكفى يا ابو متعـب تـرا شعبـك انّهـار= وضعـه تـردّا والغـلا شــد حيـلـه
قايـد مفـدّى عنـد شعـبـك وبيـطـار= يالقايـد اللـي مــا رضيـنـا بديـلـه
يـا حـر ياللـي جاذبـك ماكـر احـرار= مالـك مـكـان إلا بــراس الطويـلـه
لا جـات عنـدك تنتهـي كـل الاشـوار= يصنـع لـك الممكـن مـن المستحيلـه
عاين بالعين العطف وتشـوف الاضـرار= شـوف الغـلا اللـي مبتلينـا بميـلـه
يـا سيـدي حنـا لكـم وقـت الاخطـار= عون ٍ على الشـدّه .. سيـوف ٍ صقيلـه
حنـا قبايـل .. بـس لا ثـوّر غـبـار= مـن دوم عـرض الـدار نصبـح قبيلـه
مـن دونكـم حنـا متاريـس وجــدار= يـوم العميـل يخـون رفقـة عميـلـه
والله يديـم الامـن وطــوال الاعـمـار= والله يحفـظ الـدار واهــل الفضيـلـه



وسلامتكم جميعا ,,

القصيده للاستماع :

http://www.alqthmh.com/vb/uploaded/836_1187746484.rm

[أبو عبدالرحمن]

مشكور يابو فيصل وصح لسان الشاعر .

قالوا ايش قالوا تسونامي ..... الاسعار لو ارتفعت 1% بأي دولة بالخارج كان الشعب تحصله بالشوارع مظاهرات وحنا نقول قصايد ونحقق مع وزير التجارة ومخلين المصدرين يلعبون على كيف كيفهم .

أي منتج ارتفع سعره ... المفروض الدولة تاخذ التاجر ونفي برى البلاد زي الكلب .... حتى لو المنتج ارتفع سعره بأرض التصدير وليس للتاجر دخل في ذلك المفروض ماياخذه التاجر المنتج ... ويدور البديل ويشعر وزارة التجارة .

ووزارة التجاره .... اااااااه من وزارة التجارة .... مثل الأطرش بالزفة .... ليش ماتنسق مع الدول اللي ارتفع فيها المنتج للضغط عليها وفي حالة عدم الوصول للحلول يشوفون بديل مناسب لنفس المنتج في بلاد اخرى .... ولا يعني ربي ماخلق الرز الا بشرق آسيا ؟؟ ثم تدور على المتلاعبين من التجار اللي مزودين الاسعار من روسهم لمكاسب خيالية في الفترة الحالية او الفترة السابقة .

الاخ عبداللطيف جميل كل شوي مزود في اسعار سيارات تويوتا ومخليها نار وفي دول الخليج تاخذ نفس السيارة لنفس الموديل هذا العام وبمواصفات قياسية بسعر اقل على اقل شيء عشرة الاف ريال ولا تجرأت وزارة التجارة وقالت له يابو اللطف متى تشبع وتنزل بالاسعار .


أحيان بعض القرارات الدكتاتورية ... لازم منها اذا كانت بمصلحة الشعب .

ان شاء الله ابو متعب يحلها ويكسر روس اللي طمعوا بزيادة الــ 15% في الرواتب للشعب السعودي .

[الغريب]

السلام عليكم ورحمة الله وبركاته

البقاء والشقاء علي الي ماعندة راتب ويكون متجوز وعندة بيت بالايجار

واللة حيرة في معا نا ه اللة يساعدة ويكون في عونة

اخي الكريم كل شي صار الا ن غالي اللة يعين الجميع

معاناةةةةةةةةةةةةةةةةةةةةةةةةةةةةةةةةةةةة

شكرا لك وتقبل مروري

الغريب

[نوار الحصيني]

مشكووووووووور ياخيال
على الطرح الرااااائع


وبارك الله فيك

وفي انتظار جديدك

نوار الحصيني

[بيرق لحيان]

مشكور يا غالي لكن من هو الشاعر

[عزام الصواط العتيبي]

مشكور اخوي ع القصيده

صح لساان قايلهاا

يعطيك العاافيه


لا عدمنااك



عزام الصواط العتيبي

[فتى لحيان]

مشكور اخوي على الموضوع الله يعطيك العافيه