الى اعضاء المنتدى

[هاوي القصيد]

اكمل البيتين التاليه من عندك مو شرط تكون موزونه المهم تحاول وتشارك واذا كان البيت مكسور انا اللي ابي اعدله
اتفقنا

هيضتني ياحمام على الغصن غنى وناح=مدري طرب ولا من هم تنوحي
ذكرتني بهم من عام الاول ما راح= والدايره مدري يبقى هم ولا يروحي

[بناخي لحيان]

مشكوووووووور اخوي على الطرح

وهذي مشاركه وان شاء الله ابيض الوجه


وابي منك التعديل اذا كان فيها خطا


ولا ذّكرت الا القلووب المجاريـح = عزي لحالي يافهد ويـش اسـوّي

اثر الهوى لاهب تستاقـه الريـح = ولاتنفطر له غير كبـد المهـوّي

[هاوي القصيد]

محاوله جيده يالبناخي لكن عندك شغلتين
1ـ كنت ابيك تكتب بيتين على غرار البيتين اللي انا كاتبها.
2ـ ولا تنفطر له غير كبد المهويَ
المهويَ :ٌاجبرت على هذي الكلمه حتى تتماشى مع القافيه ولكنك اخترت الكلمه الخاطئه
والكلمه الصحيحه هي المهاوي وهي تتماشى مع القافيه لكن لاتتماشى مع الوزن لذالك كان الاجدر بك انت تقول
ولا تنفطر له غير كبد المهتوي
تحياتي؛؛؛؛؛؛؛؛؛؛؛؛؛؛
اخوك هاوي القصيد

[عزام الصواط العتيبي]

هيضتني يا غزال على الوادي وراح ***مدري فرح ولا انته حموقي

ذكرتني يا غزال الفلا سنين براح***الدايره دارت ولا احب الرجال الزعولي


اتمنى تكون مجاراه طيبه



عزام الصواط العتيبي

[هاوي القصيد]

هلا وغلا اخوي عزام
بديتها بغزل ويش دخل الرجل الزعولي
غير موزونه وغير مقفاه

[أبو عبدالرحمن]

اخوي هاوي ترى الشطر الثاني من البيت الثاني عندك مكسور يبي له وزن وتاكد اخوي .

[فتى لحيان]

[align=center]جزاك الله خير[/al

[عيسى (ابوحاتم)]

بسم الله الرحمن الرحيم

آخي هاوي القصيد
السلام عليكم ورحمة الله وبركاته

اطلعت على مشاركتكم والتي اردتم من خلالها تشجيع الشباب من مبتدئي الشعر على المشاركه وتفعيل ابداعاتهم ...
على ماتقدم آقول واصلي على الرسول انكم بدئتم بفكره ممتازه نرجو ان توتي ثمارها ببزوغ هواء مبدعين وارجو منك ان تتقبل وتقبل ما اورده... وهو ان يكتب بيت من الشعر جزل في المعنى منضبظ الوزن وان يكون وآفي وسهل في ترديده وان يبتعد عن عسر القاف او اخفاء المعنى . وان ضم هذا البيت الى أسم لحيان تكون بذلك اصبت وأشعلت الفتيله التي تشتعل الى ان تصل الى قريحة الشاعر او المبدع او المبتدي لتفجر ما بداخله من ابداع .
وكما تعلم يآاخي هاوي القصيد ان اسم القبيله يثير الشعار فلو استعرضت بيت من شعر الشاعر الاستاذ عمير اللحياني لوجدت فيها ما اعنيه . ومثال على ذلك البيت التالي


حنا بني لحيان ولاجات الاخطار ===== نحمي وطنا ما نهاب العدامي


فهذا البيت من قصيده قالها الاستاذ عمير حينما قدم الملك عبدالله في زياره الى مكه حينما كان وليا للعهد ....
ففي هذا البيت تجد جميع معاني الشعر وذكر مدح القبيله والولاء للوطن وعدم الخوف والاقدام على بذل الروح.. بمعنى اخر ان هذا البيت يعد قصيده مستقله بذاتها لما يحويه من المعاني المذكور فلووضعت البيت هذا ليبني عليه الشاعر والمبتدي لوجدت التفاعل من الاعضاء

ارجو لك التوفيق والمداومه على تشجع الشباب وكن عونآ = وبشر ولا تنفر ...
ختامآ تقبل خالص تحيات
ابــــــــــــــــــــوحــاتــــــــــــــــــــــ ــــــم