( فقير ) عبدالرحمن بن مساعد

[أبو ريماس]

( فـقـيــر )

فقير وعندي المال الكثير ..

فقير وملبسي غالي حرير ..

وياصاحبي الحافي الفقير ..

ابنشدك ابسئلك وشهو الحصير ..

وابسئلك وشلون انا امر وانهي ..

واذا حكيت قبل انتهي من كلمتي ..

يقاللي سم ويصير ..

ولاشكيت من غفلتي طول زمنها ..

يقاللي لاتشتكي ماخلقت الشكوى لأمير ..

وابسئلك وشلون انا مع كل ذا ..

!!!اقول عن نفسي فقير؟؟؟ ..

ياصاحبي لاصار لضحكه ثمن ..

وصارو اصحابي كثيربس بثمن ..

والوفاء مابه وفاء الا بثمن ..

ابسئلك ماني فقير ؟؟؟ ..

ولاصارت اقوالي حكم ..

ولاقالها غيري غدت .. حكي قديم ..

ابسئلك ماني فقير؟؟ ..

ولاصرت انا مانيب انا ..

ولاغلطت قالو صحيح وكل شي اعمله يصبح عظيم ..

ابسئلك ياصاحبي ماني فقير؟ ..

وياصاحبي ابنشدك لمن جفتني دنيتي ..

وابتدا الدرب الطويل الى ابد ماينتهي ..

وانتهي العز القديم وماكنت اظنه ينتهي ..

والموت بدد فرحتي .. وحطوني في قبر صغير ..

وحزنو علي وبكو هلي وناس من ربعي قليل ..

وارتاح من وجهي كثير ..

وبقيت وحدي في حيرتي مابه احد ..

لاطال عمرك ولاتحت امرك ..

ماغير انا وخوف ولحد وحساب قدامي عسير ..

وقتها ذكرت اني من زمان ..

يوم انه امهلني الزمان ..

هذا ظلمت هذا جرحت ياما كذبت ..

وذنوبي ماتحصي كثير ..

وقتها الا ندمت ونفسي كرهت ..

عرفت ان الله كبير وان الهلاك اصبح اكيد ..

واني انا مالي رجاء..ولاهروب من الدجاء ..

من الجحيم الا بأمل عندي وحيد ..

ان الله غفار ورحيم ..

ابسئلك ياصاحبي عني في وقتها ..

ماني فقير؟؟ ..


منقووووول

[السويدي]

رائعة من روائع الأمير الخلوق / عبد الرحمن بن مساعد

كل ما أقرأها استمتع بكلماتها وكأني أول مرة أقراها


شاكرين لك النقل


تحياتي للجميع

[ســحــاب]

بجد شاعر خلوق ، احسنت الوصف يالسويدي .

ايضا ً حضرت مقابلة لأخيه الأمير / عبد الله بن مساعد مع الاعلامي تركي الدخيل .

و كان جدا ً متواضع و خلوق اثار اعجابي حقيقة و أظن العائلة جميعها كذلك .


قصيدة جميلة ، شكرا ً لك َ ياأبا ريماس هذا الأختيار .

[صقر لحيـــــان]

طرح راااائع يا ابو ريمااااس

الله يعطيك العاااافيه

[م/ ممدوح محمد اللحياني]

أبو ريماس القريبي

جميل مانقلته قصيدة من روائع الأمير عبدالرحمن بن مساعد
الشاعر الذي عني بتصوير هموم الناس لكن في هذه القصيدة يصور هموم الأغنياء هموم الأناس الذين يعانون من كثرة المنافقين من حولهم.

ولكن لايبقى للشخص إلى ماقدمت يداه عند انقضاء أجله.

رائعة جداً هذه القصيدة وقد كنت أحفظها من شدة اعجابي بها


شكراً لك أخوي أبو ريماس


تحياتي وتقديري

[أبو ريماس]

مشكورين على مروركم الكريم