ابغا تفسير لهذا المثل ياحضر

[عيسى (ابوحاتم)]

البدو زمان عندهم مثل يقول

ولد الشارب للحيه اولد اللحيه للشيبه اولد الشيبه للخيبه

فسر يامفسر بوضوح

[ســحــاب]

ايش يعني ؟

مافهمت حقيقة !

عادي لو أغش من قوقل ؟

[عيسى (ابوحاتم)]

سوف يقوم الاخوان بتفسيره يا اخت سحاب ان شاء الله ولاداعي لاحراج قوقل في الامور العائليه
وهو ماعنده عرف عن علوم وسوالف البدو .

[أبو عمير]

أخي أبا حاتم


المعنى هو أن الزواج في سن الشباب يجعل الأولاد ينفعون أهلهم والله اعلم


تحياتى ومودتى

اخوك أبوعمير

[عيسى (ابوحاتم)]

الاخ / ابوعمير

المعنى الاساس صحيح ولاكن لم تاتي بتفسير المثل بوضوح . اتمنى اعادة المحاوله يابو عمير

[ابـــو ســديـم]

نعم يقال للزواج المبكر

وبشهادة قوقل :D

في البدايه بغيت اقول المقص خخخخخخخخخخ احسبه لغز

[عيسى (ابوحاتم)]

هلآ / ياشجا111ع

يوم شفت اسمك فالمشاركه قللت اكيد مايجيبها الا رجالها ويوم قريت ردك قلت بسم الله حرز تبارك الله ماشاء الله ويبدو ان افراد المرور ولتعرضهم لضربات الشمس المتكرره قد تبخر ماحوى الراس
ولنا في راس ابو يوسف العبر والمآثر .

فلك ياشجا111ع شكر ومحاوله اخيره وسوف نفتح الاستعانه بصديق فخل قوقل قريب منك .
والله انا مابخينا ندخله فالمسائله اللي بين الولد والشايب .

[أبو عمير]

والله يا أبو حاتم أنى أحب الإختصار لكن تبى إسهاب أبشر

أن الزواج في سن الشباب يجعل الأولاد ينفعون أهلهم منذ فترة ظهور لحية الوالد حتى يحين شيبها وما بعده

والأولاد المولودون في فترة ظهور اللحية ينفعون في سن المشيب

والأولاد في سن المشيب للخيبة لا ينفعون لأنهم لا يصلون سن النفع إلا بعد أن يرحل الوالدان إلى الحياة الأبدية كما أن أولاد الشيبة لا يحظون برعاية وعناية وتربية كافية في غالب الأحيان

ها ويش رايك طال عمرك والله يخلى العم قوقل ما قصر

تحياتى ومودتى

[ابـــو ســديـم]

يوم شفت اسمك فالمشاركه قللت اكيد مايجيبها الا رجالها ويوم قريت ردك قلت بسم الله حرز تبارك الله ماشاء الله ويبدو ان افراد المرور ولتعرضهم لضربات الشمس المتكرره قد تبخر ماحوى الراس
ولنا في راس ابو يوسف العبر والمآثر .

هههههههههههههههههههههههههههههههههههههههههههههههه

لا تصدق تراني امزح هههههههههههههههههههههههههههههههه

المثل يقال للحث على الزواج المبكر حسب مافهمت من الاخ قوقل

بمعنى ان الولد اذا تزوج بدري ماتشيب لحيته الا واولده رجال بشوارب

يعينه على نؤاب الدهر >> وش رايك بس بنؤاب >> الا اقول كيف برد الرياض ا

[عيسى (ابوحاتم)]

الاخ / ابوعمير

تفسير وافي وكافي وشافي

الاخ / شجا111ج

نعم واجابه موفقه ياشجا111ع كفو .
وبرد الرياض الله لا يوريك حلاله يادفاء مكه ولاكن اليوميين هذي كنه معطينا وجه شوي

عاد تصدقون يوم ماحليتو فالاول قلت ياولد ابقدم 500 ريال للي يحله بس اشوى نخليها لمشاركه ثانيه

[أبو لحيان]

ولد الشارب للحية
أي ولد الرجل الشاب " دوبه ظهر له شنب " للحية أي للرجل الذي كبر وبدت فيه اللحية


ولد اللحيه للشيبه
أي ولد الرجل الذي كبر وبدت فيه اللحية للشيبه أي للرجل الذي شيب


ولد الشيبه للخيبه
أي ولد الرجل الشيبه للخيبه أي " يا خيبتك "


والمغزى كما ذكر أبو عمير للحث على الزواج والنسل المبكر

[أبو لحيان]

الله يهيديك يا أبو حاتم ... أعطونا فرصة

الحمد لله ما كانت فيها خمسمية عشان ما أنقهر

[عيسى (ابوحاتم)]

الاخ / ابو لحيان

يامرحبا بمرورك الكريم

نعم هذا القول اكثر وضوح ولاهان ابوعمير وشجا111ع

[ابوعبدالله]

هلااااااااا ابو حاتم
مابقو الشباااب لشايب مجاال الله يعطيهم العافيه
الحمدلله
اللهم بارك لنا في أهلنا وفي أولادنا
الزواج المبكر//
له فوائد متعددة، منها:
1- حصول الأولاد الذين تقر بهم العين، ويفرح بهم الأب قبل عجزه : قال تعالى: #{ وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ }## [سورة الفرقان: 74]، كما أن الأولاد شطر زينة الحياة الدنيا #{ الْمَالُ وَالْبَنُونَ زِينَةُ الْحَيَاةِ الدُّنْيَا }## [سورة الكهف: 46].

2-صون الشباب من الانحراف والوقوع في الرذيلة
تقبلوا خالص تحياتي
أخوكم ابو عبدالله

[عيسى (ابوحاتم)]

هلآ وغلآ يابوعبدالله

انت الخير والبركه وحقيقه الشباب اوضحو القصد والمراد . بارك الله فيك ومشكور على المرور

الاخ / ابولحيان

يبدو اثناء ردي وانت تحرر مشاركك الاخير ه فلم انتبه اليها . وحقيقه موضوع 500 ريال والله اني نويته قلت بعد مافات الحل من 3 مشاركين ابقدم الجائزه وبعد مشاركة ابو عمير الاخيره ادخرتها لمشاركة قادمه . وشكلها ماهي جايه ها المشاركه .

الف شكر للجميع

[ســحــاب]

كويس ماخليته بخمسمايه ، لأني راح انقهر لو أخذها أخي شجاع أو أبو عمير و هم مبرشمين !

ويوم جيت اغش قلت لا تدخلين قوقل بينا !!

طلع قوقل أحسن من البدو اللي حطيت العشم فيهم .


و شكرا ً لكم تفسير المثل .

و الشكر لك َ ياأستاذ عيسى هذا الموضوع الطيب .

[ســـــ بن تركي ـــتر]

شرح وافي يابو عمير بيض الله وجهك



ابو حاتم ال (500) ىبو عمير يستاهلها

[أبو رواد]

مافيه مثل ثاااااني يا ابو حاااااتم ترانا ما لحقنا على هذا المثل

والشباااب ما قصروا حلوه بس بالبراشيم

ولا تنسى تضع 500 ريال عليه