قصيد مؤثره للشاعرة سبيل رحمها الله

[أبو عمير]

قصيدة الشااعرة الرااااحلة عابرة سبيل قبل وفاتها بخمس سااعات،،

قصيده مؤثره من شاعره رائعه في كل حالاتها حتى لحظة احتضارها كانت تنزف شعرا ..
تقول لزوجها واولادها


ترى الذبايح و أهلهـا مـا تسلينـي=أنا أدري إن المرض لا يمكن علاجه
أدري تبي راحتي لايا بعـد عينـي=حرام ما قصرت يديـك فـي حاجـه
أخـذ وصاتـي وأمانـه لا تبكينـي=لو كان لك خاطرٍ مـا ودي إزعاجـه
أبيك في يديك تشهدني وتسقينـي=أمانتـك لا يجـي جسمـي بثـلاجـه
لف الكفن في يديك وضف رجليني=ما غيرك أحدٍ كشف حسناه واحراجه
أبيك بالخيـر تذكرنـي وتطرينـي=يجيرني خالقـي مـن نـار وهاجـه
سامح على اللي جرى ما بينك وبيني=أيام نمشـي عـدل وأيـام منعاجـه
همي عيالي وأنا اللي فيْ ..كافينـي=علمهـم الديـن تفسيـره ومنهاجـه


رد زوجها علي القصيدة ...



حاولت أنام وحاربت عيني النوم=وجريت صوت مثل صوت الذيابه

والجفن كنه صاير وسطه هزوم=ودموع عيني مثل رش السحابه

على وليفٍ قالوا اليوم مرحوم =راح وتوفى ماتهنى في شبابه

زرت القبور اللى على بعضها رسوم=حطيت رسمٍ فوق ذيك النصابه

قلبي من الدنيا عليل ومرسوم=الوسم توه عقب خط الكتابه

أحبها مير القدر صار مقسوم=ويحبها كل الأهل والقرابة

الموت أخذها وأودع القلب مسلوم=جرح عميقٍ مايداوي صوابه

الموت أخذ شجعان ورخوم وأقروم=وأخذ رسول الله وباقي الصحابه.




منقوله لما فيها من عبره

تحياتى ومودتي
أخوكم أبوعمير

[مستور المطرفي]

قصيدة رائعة يا ابو عمير من شاعرة لا نعرف عنها الا اسمها ولكن الابيات تدل أنها عانت من مرض
وانها متدينه وهذا البيت يدل على الحياء عندها

لف الكفن في يديك وضف رجلينـي= ما غيرك أحدٍ كشف حسناه واحراجه

[ابو تركي القريبي اللحياني]

الموت أخذ شجعان ورخوم وأقـروم

وأخذ رسول الله وباقـي الصحابـه.
انا اشهد

ومشكور يا ابو عمير على هذه القصيده

[أبو رواد]

مشكووووووووووور يا اخوي ابو عمير

على هذا النقل الرائع

[أبو نواف]

ياهلا يأبو عمير

أبيات جميله صح لسان الشاعرة والشاعر ورحمة الله عليها

سلمت يمناك ولا عدمناك

[ابو حلا]

مشكورررررررررررر اخوي ابو عمير

ويعطيك العافيه