ســـــ بن تركي ـــتر
12-24-2007, 10:31 PM
بسم الله الرحمـن مخـز الشياطيـن=اللـي بذكـره يطمئـن الـفـؤادي
خالق خلق خلقه بنفخه مـن الطيـن=واحيا العظـام الباليـات الهمـادي
واسبل عليهم نعمة الأمـن والديـن=وقال اعبدوني واشكـروا ياعبـادي
بعده تهيض خاطري واستوى زيـن=قال احفظ اللي فات واخذ الجـدادي
لك عندنا من صافي الجـم كاسيـن=تكفيـك فيهـا كـل علـمٍ وكـادي
قلت انت مطربني من اول وذلحيـن=دايـم تبلغنـي منـاي ومــرادي
فيك الطرب يختال من حين لا حيـن=عزفك على الاوتار عزف انفـرادي
امـا بَعَـدْ يالقارئيـن الكريمـيـن=فيما يلـي يمكـن يكـون المفـادي
ابا اشرح الاوضاع وان كان ناسيـن=واسند على البرهان كـل اعتمـادي
حنا العرب حمّاية العرض والديـن=المسلميـن المؤمنـيـن الـهـوادي
القائميـن الصائمـيـن المصلـيـن=اهل التقى واهل الرضى والمبـادي
اهل الطهارة والشـرف والنظيفيـن=اهل المكـارم حضـر والا بـوادي
منّـا محمـد خيـر كـل النبيـيـن=الرحمة المهـداه عـن كـل هـادي
الصادق المصدوق خيـر الأمينيـن=نوره سطع ثم اضمحـل السـوادي
علـى المحجـه حطنـا بالبراهيـن=مازاغ عنها غيـر هالـك وغـادي
واصحابه الغـر الخيـار المياميـن=اهل الفتوحـات وسنـام الجهـادي
منهم جموع الروم راحت مزاعيـن=على ظهـور الصافنـات الجيـادي
وعروش كسرى زلزلتها البراكيـن=هبـوا عليهـا وتركوهـا رمـادي
مع وقعة اليرموك وقعـة اجناديـن=وذات الصواري عدّهـا باعتـدادي
والقادسيـة وانتصـارات حطـيـن=والأندلـس والعـزّ عـزّ متمـادي
ما بينهم علـى بعضهـم رحيميـن=وعلـى عـدو الله غـلاظٍ شـدادي
أمجادنا زادت على اهـل الدواويـن=تكتـب ومـوج امدادنـا بازديـادي
علومنـا شتـى بـكـل الميـاديـن=أصـل المعـارف كلهـا باستنـادي
علـم الفلـك والفيزيـا والتبايـيـن=والكيميـا والطـب والإقتـصـادي
ومنّا شيوخ العلـم علـم الرشيديـن=مثل النجـوم الساهـرات البـوادي
على حـدود الله وشرعـه محاميـن=تقـدّي الغـادي طريـق الرشـادي
يهـدون بامـر الله وبامـره تقييـن=علـى جنـان الخلـد دايـم تنـادي
ومنّا الملوك مزحزحين السلاطيـن=حكامنا آل سعـود بيـض الايـادي
خُدام بيـت الله وريـف المساكيـن=يـارب تحفظهـم وتحفـظ بـلادي
على عـدود العـزّ دايـم مقيميـن=تشرب وتسقـي ضامييـن الكبـادي
يعيش ابو متعـب حبيـب الملاييـن=على يديـه الخيـر فايـض وزادي
ومنّا نـوادر نجـد سقـم المعاديـن=ربعي عتيبه وان نشدت ابن هـادي
ابن حميد اللي شلـع نجـد نصيـن=يوم الملاحـم والوغـى والطـرادي
وانشد مطير تعـزّ علـم القحاطيـن=عن الصباح وما حصل والهجـادي
تهوي على الفاتن سـواة الشياهيـن=اللي تلاحـق فـي نهـار الهـدادي
ومنا شيـوخ المعرفـة والحكيميـن=أهل الشجاعـة والكـرم والقنـادي
أخـوان عبـده للمعالـي مسميـن=تزود فوق الـزود عنـد الزيـادي
فيما مضى ياطيب الافعال ماضيـن=واليوم ابو فيصل زعيـم الشـدادي
ومنّا الرجال اللي على الطيب رابين=يفرح به الـزراع يـوم الحصـادي
استغلظت قامت على السوق تطمين=تغيـظ كفـار الـوفـا باشـتـدادي
اسلومهـم ورث الجـدود القديميـن=تاريخهم بالطيـب سهـل المقـادي
رفيقهم يبقى على الـراس والعيـن=حشمه وقيمه عـود أزرق وكـادي
ومن حال والا مـال تبعـد مقفيـن=تاخذ من العـالات موقـف حيـادي
يغلـون لابتهـم وبالحيـل غاليـن=من دونهم مثل السيـوف الحـدادي
اخذوا من العـود الوصايـا بتلقيـن=ولا عن وصايا العود اي ارتـدادي
وشلون يشطب مجدنا تحت حرفيـن=من يختزل سمحان وسـط القـرادي
من لا يشوف الدرب بعيـون ثنتيـن=في نظرته بالطبع كسـر اعتيـادي
لكن من غفله مـع الوقـت لاهيـن=زاد الـعـدو بعـدتـه والعـتـادي
واعراضنا عمـا ورد فالصحيحيـن=وكتابنا الفرقـان أصـل المـزادي
وبعض المشاكل واختلال القوانيـن=وبعض الخيانه والصلف والعنـادي
لكـن نبقـى رغـم ذلـك أبيـيـن=والخير فينـا ليـن يـوم المعـادي
ومن شذ عنا فـي جهنـم وغسليـن=جزاه يوم انه عـن الـدرب حـادي
لا تحسبـون المفسديـن المضليـن=منّـا وهـم عنّـا بكـل ابتـعـادي
الـوازره ماتـازر اوزار وزريـن=يـرد كـل امـره عليـه ويعـادي
ترى التباكي مانفعنـا مـن سنيـن=ومكمن قـوى الأمـات فالإتحـادي
على الجنايـز يكثـرون المعازيـن=وعلى المفاخر من هو اللي أشـادي
نغضي عن الزينه ونكشف عن الشين=لوحة شمـات مرصعـه بانتقـادي
الديـن يرفعنـا وحنـا مهيـديـن=لربمـا نستـاهـل إنــا نـبـادي
الناس باللي صـار يانـاس داريـن=يذيع بـه كـل الفضـا والـروادي
معـاد ناقصنـا تخـاذل وتليـيـن=أصحوا واعوا لا يستمـر الرقـادي
الإنهزامـيـة حـيـاة الذليـلـيـن=والإنبطاحيـة حـيـاة الجـمـادي
استبشروا بالخير وادعـوا وآميـن=الخير واجـد بـس ويـن المنـادي
وبغـداد يابغـداد وكـر الشجيعيـن=على الثغـور يلاطمـون الأعـادي
اسقوا علوج الغرب سـم الثعابيـن=وخلـوا جيفهـم للرخـم والحنـادي
شـم العيـال مرجحيـن الموازيـن=لاولـع البـارود راس الـزنـادي
اللي قضى نحبه عزيـز الشهيديـن=ومن ينتظر عـز السمـا والبيـادي
واذا تطرقنـا لنكـبـة فلسطـيـن=امـر الله المعبـود نافـذ وبــادي
أحوالهـا مابيـن كــرّه وثنتـيـن=إن الـذي حاصـل لشـيءٍ يُـرادي
يكفيك منهم منهـج الشيـخ ياسيـن=أرعب بني صهيون رغـم القعـادي
ولبنان ما لبنـان مـا بينهـم بيـن=مشوا على نهج الكـذوب الربـادي
واللي بقـى معـاد يعتـاز تلحيـن=انتـم تعرفونـه بكـل اعتـقـادي
الشعر مفهومـه رسالـه بتضميـن=ماهو سلـم مليـان قلبـه جـرادي
كل احترامـي للرجـال الحشيميـن=اللـي تديـر عقولهـا بالـركـادي
ماتاخذ الشكـات غيـر الضعيفيـن=مع كل صيحه تصطفـق باهتبـادي
ليته صبر ماثـار عـج الدخاخيـن=ولا قام يعزف من مقاطـع عبـادي
نمشي ونزرع كـل وادي رياحيـن=ويطلع علينا شوك مـع كـل وادي
كاد المريب يقول خذني وانـا ويـن=ماني بحوله ميـر جـاه ارتعـادي
هـذا زمـان ملخبطيـن التلاويـن=أبيض على اسود لين صارت رمادي
والله مـا تعتـز دار الحسـوديـن=لـو قومـوهـا آيـلـه للنـفـادي
ومن لا يحق الحق من قوم غاويـن=لطالمـا ماكـان رايــه ســدادي
الشمس والفيه يابـو زيـد ضديـن=مانـي بغـاوي حرهـا والبـرادي
افهم كلامي ياحسن مـدري حسيـن=ماعشـت يارجـال راعـي دوادي
اقول هـذا القـول ذكـرى وتبييـن=واستغفـر الله رب كـل العـبـادي
قصيدة لشاعر (تركي بن على القثامي )خالي
خالق خلق خلقه بنفخه مـن الطيـن=واحيا العظـام الباليـات الهمـادي
واسبل عليهم نعمة الأمـن والديـن=وقال اعبدوني واشكـروا ياعبـادي
بعده تهيض خاطري واستوى زيـن=قال احفظ اللي فات واخذ الجـدادي
لك عندنا من صافي الجـم كاسيـن=تكفيـك فيهـا كـل علـمٍ وكـادي
قلت انت مطربني من اول وذلحيـن=دايـم تبلغنـي منـاي ومــرادي
فيك الطرب يختال من حين لا حيـن=عزفك على الاوتار عزف انفـرادي
امـا بَعَـدْ يالقارئيـن الكريمـيـن=فيما يلـي يمكـن يكـون المفـادي
ابا اشرح الاوضاع وان كان ناسيـن=واسند على البرهان كـل اعتمـادي
حنا العرب حمّاية العرض والديـن=المسلميـن المؤمنـيـن الـهـوادي
القائميـن الصائمـيـن المصلـيـن=اهل التقى واهل الرضى والمبـادي
اهل الطهارة والشـرف والنظيفيـن=اهل المكـارم حضـر والا بـوادي
منّـا محمـد خيـر كـل النبيـيـن=الرحمة المهـداه عـن كـل هـادي
الصادق المصدوق خيـر الأمينيـن=نوره سطع ثم اضمحـل السـوادي
علـى المحجـه حطنـا بالبراهيـن=مازاغ عنها غيـر هالـك وغـادي
واصحابه الغـر الخيـار المياميـن=اهل الفتوحـات وسنـام الجهـادي
منهم جموع الروم راحت مزاعيـن=على ظهـور الصافنـات الجيـادي
وعروش كسرى زلزلتها البراكيـن=هبـوا عليهـا وتركوهـا رمـادي
مع وقعة اليرموك وقعـة اجناديـن=وذات الصواري عدّهـا باعتـدادي
والقادسيـة وانتصـارات حطـيـن=والأندلـس والعـزّ عـزّ متمـادي
ما بينهم علـى بعضهـم رحيميـن=وعلـى عـدو الله غـلاظٍ شـدادي
أمجادنا زادت على اهـل الدواويـن=تكتـب ومـوج امدادنـا بازديـادي
علومنـا شتـى بـكـل الميـاديـن=أصـل المعـارف كلهـا باستنـادي
علـم الفلـك والفيزيـا والتبايـيـن=والكيميـا والطـب والإقتـصـادي
ومنّا شيوخ العلـم علـم الرشيديـن=مثل النجـوم الساهـرات البـوادي
على حـدود الله وشرعـه محاميـن=تقـدّي الغـادي طريـق الرشـادي
يهـدون بامـر الله وبامـره تقييـن=علـى جنـان الخلـد دايـم تنـادي
ومنّا الملوك مزحزحين السلاطيـن=حكامنا آل سعـود بيـض الايـادي
خُدام بيـت الله وريـف المساكيـن=يـارب تحفظهـم وتحفـظ بـلادي
على عـدود العـزّ دايـم مقيميـن=تشرب وتسقـي ضامييـن الكبـادي
يعيش ابو متعـب حبيـب الملاييـن=على يديـه الخيـر فايـض وزادي
ومنّا نـوادر نجـد سقـم المعاديـن=ربعي عتيبه وان نشدت ابن هـادي
ابن حميد اللي شلـع نجـد نصيـن=يوم الملاحـم والوغـى والطـرادي
وانشد مطير تعـزّ علـم القحاطيـن=عن الصباح وما حصل والهجـادي
تهوي على الفاتن سـواة الشياهيـن=اللي تلاحـق فـي نهـار الهـدادي
ومنا شيـوخ المعرفـة والحكيميـن=أهل الشجاعـة والكـرم والقنـادي
أخـوان عبـده للمعالـي مسميـن=تزود فوق الـزود عنـد الزيـادي
فيما مضى ياطيب الافعال ماضيـن=واليوم ابو فيصل زعيـم الشـدادي
ومنّا الرجال اللي على الطيب رابين=يفرح به الـزراع يـوم الحصـادي
استغلظت قامت على السوق تطمين=تغيـظ كفـار الـوفـا باشـتـدادي
اسلومهـم ورث الجـدود القديميـن=تاريخهم بالطيـب سهـل المقـادي
رفيقهم يبقى على الـراس والعيـن=حشمه وقيمه عـود أزرق وكـادي
ومن حال والا مـال تبعـد مقفيـن=تاخذ من العـالات موقـف حيـادي
يغلـون لابتهـم وبالحيـل غاليـن=من دونهم مثل السيـوف الحـدادي
اخذوا من العـود الوصايـا بتلقيـن=ولا عن وصايا العود اي ارتـدادي
وشلون يشطب مجدنا تحت حرفيـن=من يختزل سمحان وسـط القـرادي
من لا يشوف الدرب بعيـون ثنتيـن=في نظرته بالطبع كسـر اعتيـادي
لكن من غفله مـع الوقـت لاهيـن=زاد الـعـدو بعـدتـه والعـتـادي
واعراضنا عمـا ورد فالصحيحيـن=وكتابنا الفرقـان أصـل المـزادي
وبعض المشاكل واختلال القوانيـن=وبعض الخيانه والصلف والعنـادي
لكـن نبقـى رغـم ذلـك أبيـيـن=والخير فينـا ليـن يـوم المعـادي
ومن شذ عنا فـي جهنـم وغسليـن=جزاه يوم انه عـن الـدرب حـادي
لا تحسبـون المفسديـن المضليـن=منّـا وهـم عنّـا بكـل ابتـعـادي
الـوازره ماتـازر اوزار وزريـن=يـرد كـل امـره عليـه ويعـادي
ترى التباكي مانفعنـا مـن سنيـن=ومكمن قـوى الأمـات فالإتحـادي
على الجنايـز يكثـرون المعازيـن=وعلى المفاخر من هو اللي أشـادي
نغضي عن الزينه ونكشف عن الشين=لوحة شمـات مرصعـه بانتقـادي
الديـن يرفعنـا وحنـا مهيـديـن=لربمـا نستـاهـل إنــا نـبـادي
الناس باللي صـار يانـاس داريـن=يذيع بـه كـل الفضـا والـروادي
معـاد ناقصنـا تخـاذل وتليـيـن=أصحوا واعوا لا يستمـر الرقـادي
الإنهزامـيـة حـيـاة الذليـلـيـن=والإنبطاحيـة حـيـاة الجـمـادي
استبشروا بالخير وادعـوا وآميـن=الخير واجـد بـس ويـن المنـادي
وبغـداد يابغـداد وكـر الشجيعيـن=على الثغـور يلاطمـون الأعـادي
اسقوا علوج الغرب سـم الثعابيـن=وخلـوا جيفهـم للرخـم والحنـادي
شـم العيـال مرجحيـن الموازيـن=لاولـع البـارود راس الـزنـادي
اللي قضى نحبه عزيـز الشهيديـن=ومن ينتظر عـز السمـا والبيـادي
واذا تطرقنـا لنكـبـة فلسطـيـن=امـر الله المعبـود نافـذ وبــادي
أحوالهـا مابيـن كــرّه وثنتـيـن=إن الـذي حاصـل لشـيءٍ يُـرادي
يكفيك منهم منهـج الشيـخ ياسيـن=أرعب بني صهيون رغـم القعـادي
ولبنان ما لبنـان مـا بينهـم بيـن=مشوا على نهج الكـذوب الربـادي
واللي بقـى معـاد يعتـاز تلحيـن=انتـم تعرفونـه بكـل اعتـقـادي
الشعر مفهومـه رسالـه بتضميـن=ماهو سلـم مليـان قلبـه جـرادي
كل احترامـي للرجـال الحشيميـن=اللـي تديـر عقولهـا بالـركـادي
ماتاخذ الشكـات غيـر الضعيفيـن=مع كل صيحه تصطفـق باهتبـادي
ليته صبر ماثـار عـج الدخاخيـن=ولا قام يعزف من مقاطـع عبـادي
نمشي ونزرع كـل وادي رياحيـن=ويطلع علينا شوك مـع كـل وادي
كاد المريب يقول خذني وانـا ويـن=ماني بحوله ميـر جـاه ارتعـادي
هـذا زمـان ملخبطيـن التلاويـن=أبيض على اسود لين صارت رمادي
والله مـا تعتـز دار الحسـوديـن=لـو قومـوهـا آيـلـه للنـفـادي
ومن لا يحق الحق من قوم غاويـن=لطالمـا ماكـان رايــه ســدادي
الشمس والفيه يابـو زيـد ضديـن=مانـي بغـاوي حرهـا والبـرادي
افهم كلامي ياحسن مـدري حسيـن=ماعشـت يارجـال راعـي دوادي
اقول هـذا القـول ذكـرى وتبييـن=واستغفـر الله رب كـل العـبـادي
قصيدة لشاعر (تركي بن على القثامي )خالي