جديد أبو عمير يا متذوقي الشعر وناقديه

[أبو عمير]

بسم الله الرحمن الرحيم

(صعب المنالي)

يالله أنـا طالبـك ياخالـق الـنـاس=تزيل همن بيـن الاضـلاع جالـي
همن يوردني علـى موقـع اليـاس=حتى غدت روحي على حد صالـي
أسارق الغفوات والنـوم مـا جـاس=من يوم عنـي غـاب راع الدلالـي
عشرين يوم كنهـا السجـن يا نـاس=يومـي بعـامٍ و الدقايـق ليـالـي
ليلي سرى ما بيـن فكـرٍ وهوجـاس=علـى وليـفٍ شـد عنـي شمالـي
من غاب عني شافت العين الأتعـاس=داله عن الدنيا وسارح خيالـي
عقبه سهير الطرف ماهنيت بنعاس=ضاعت حلاة العمر عـزي لحالـي
خـل خليـل ناعـم القـد ميـاس=اخذ عـن الزينـات كـل الجمالـي
بهجة فؤادي ماله اوصـاف واجنـاس=هو الوحيد اللي من النـاس غالـي
يزهى جنابه كـل منقـوش ولبـاس=يزيِن الملبوس في كـل حالـي
عين اشقرن في هدته كـل نومـاس=صاطي وفي عينـه سهـوم القتالـي
يا سهيل بلغها سلامي و الأحسـاس=وعطها علوم الشوق واللي جرالـي
البيض بعده مالهـم عنـدي أونـاس=فرق الثرى عن الثريـا بعالـي
مايقنـع المشتـاق ياسهيـل لابـاس=ولاينفعـه ياكـود مسـك الحبالـي
ياسهيل يامشكـاي يا عالي الراس=ود الخبـر ياسهيـل صعب المنالي
يالله يا معبود يا مقوي البـاس=تضفي على عبدك بطيفه يلالـي

تحياتى ومودتى
أخوكم أبو عمير

[ســحــاب]

قصيدة جميلة .

( رد متذوق فقط ) و أترك النقد لأهله .

شكرا ً لك َ أخي أبو عمير .



لكن عندي ملاحظة صغيرة جدا ً و سؤال في ذات الوقت وهو :

لماذا لا تسمي قصائدك ؟

يعني بكرة إن شاء الله لو صار لك ديوان ، بيكون إسم القصيدة كذا ؟

ينفع العنوان صح دعاية للديوان في روتانا بس ما ينفع عنوان قصيدة :)

[ابويوسف]

السلام عليكم ورحمة الله وبركاته

بارك الله فيك يابوعمير ............. >>>> ايل يا لو نتان كوجو نوفوزي بافو >>>> انشانتيه دو فوفوار


(انشانتيه دو فوفوار )

[أبو عمير]

قصيدة جميلة .

( رد متذوق فقط ) و أترك النقد لأهله .

شكرا ً لك َ أخي أبو عمير .



لكن عندي ملاحظة صغيرة جدا ً و سؤال في ذات الوقت وهو :

لماذا لا تسمي قصائدك ؟

يعني بكرة إن شاء الله لو صار لك ديوان ، بيكون إسم القصيدة كذا ؟

ينفع العنوان صح دعاية للديوان في روتانا بس ما ينفع عنوان قصيدة :)


ههههههه
جزيتى خيرا وأسعدنى مرورك العطر يا أخت سحاب وأشكرك على التنبيه وتم وضع أسم القصيده أما حكاية ديوان فلا أعتقد :D

تحياتى ومودتى يا أبنت العم

أخوك أبو عمير

[أبو عمير]

السلام عليكم ورحمة الله وبركاته
بارك الله فيك يابوعمير ............. >>>> ايل يا لو نتان كوجو نوفوزي بافو >>>> انشانتيه دو فوفوار
(انشانتيه دو فوفوار )

ههههه أبو يوسف الظاهر مضيع مكان فصل الفرنسي :D

عجيب يالفرنسى شكلها قصيده لا لا لا أكيد قصيده بس مو فاهمينها هههههه

تحياتى يا ولد العم


أخوك أبوعمير

[ابويوسف]

حياك ابوعمير الضاهر انك نسيت الدروس الفرنسيه .... خلي ابو عبدالله يترجمها .. او المعلمه سحاب

ترى اخوك بلبل فرنسي >>>>> تريبيان ميرسي>>بارليفو فرونسيه

[عيسى (ابوحاتم)]

الاخ / ابوعمير

تحيه طيبه
حقيقه ماتجملت في ابويوسف عوجت لسانه بها الفرنسي . لا بعد ويرد على القصيده بالفرنسي يعني والله ما ادري الومك والا الوم سحاب اللي قلبت راسه وعوجت لسانه .

حقيقه يابو عمير القصيده في غايو الجمال والذوق وان شاء الله يكون الابداع حليفك


وصــــــــــــــــــــــح لســــااااااااااااااااااااانك

[بيرق لحيان]

صح لسانك يا أبو عمير

و عسى التوفيق فالك ياابن الأجواد

[أبو عمير]

الاخ / ابوعمير

تحيه طيبه
حقيقه ماتجملت في ابويوسف عوجت لسانه بها الفرنسي . لا بعد ويرد على القصيده بالفرنسي يعني والله ما ادري الومك والا الوم سحاب اللي قلبت راسه وعوجت لسانه .


هههه حبيبى هالولد الفرنسي يا أبو حاتم الله يصلحك هلحين أبو يوسف شاد حيله معي ومع سحاب والموهبه خارجه من عيونه ماشاء الله عليه وأنت تقول كذا والا عشان ما رح تقدر تنقده لأنه يكتب بالفرنسى ههههههه تدري إيش رايك تنضم للفصل يا أبو حاتم عشان نقدر ننقدك ونتفاعل مع أبو يوسف قل تم يا ولد العم هههه:D:D

الاخ / ابوعمير
حقيقه يابو عمير القصيده في غايو الجمال والذوق وان شاء الله يكون الابداع حليفك

وعندي ملاحظه بسيطه في البيت التالي

يزهى به كل ملبوس ولباس
يزهى جنابه كل منقوش ولباس

وصــــــــــــــــــــــح لســــااااااااااااااااااااانك

أجمل التحايا لك يا أبا حاتم وصح بدنك وأشكرك جزيل الشكر يا ولد العم على النقد والتعديل والذي أبديته والذي بكل تأكيد تقويم وتصحيح مسار طال عمرك أما بخصوص البيت أعلاه ففعلا لمسه أضفت على البيت جماليه جميله تقبل شكري وتقديري ولا تحرمنا من قديمك قبل جديدك لعلنا نستفيد

تحياتى ومودتي
أخوك ابوعمير

[أبو عمير]

صح لسانك يا أبو عمير

و عسى التوفيق فالك ياابن الأجواد

أخوي المقيتى

صحت أبدانك وعلا شانك شاكر لك مرورك العطر ولا تحرمنا مرورك بين الفينة والأخرى يا إبن العم

تحياتي ومودتى
أخوك أبو عمير

[أبو عبد الإله]

عجيب عجيب وتقول شاعر مبتدى والله أنك شاعر ونص وثلاث أرباع :Dهههههههه

ما شاء الله ترى عينى بارده ولا تخاف منى ههههههه

أبو عبد الإله

[ابو حلا]

ما شاء الله يعطيك العافيه ابو عمير

وبيض الله وجهك

[ابو لانا]

مشكور اخي ابو عمير حقيقه قصايدك رائعة فأنت شاعر بكل متحمله الكلمه من معنى واتمنى لك التوفيق

[أبو عمير]

بسم الله الرحمن الرحيم

الأخوة الكرام

أبو عبد الإله
رامي الغريفي
عاصم الغريفي

حياكم الله وشاكر لكم مروركم الكريم ومجاملتكم ولا تحرمونا من إطلتكم دائما



تحياتى ومودتى لكل أهلي وجماعتى
أبـــــــــــــــــــو عــــــــــــــــمـــــيـــر

[واثق الخطوة]

شكرا على هذا الشعر .........

ولا تحرمنا جديدك

تقبل مروري