قصيدة ام تركها ولدها في دار النسيان

[ابو حلا]

السلام عليكم ورحمة الله وبركاته


قصيدة أعجبتني وانا الف بالمنتديات وهي محزنة جدا"

هذي قصيده ام بعد ان وداها ولدها .. للمصحه ( دار العجزه )

او كما يقااال ( دار النسيان ) ..

اترككم مع القصيده

وين انت يا حمدان امـك تناديـك
وراك مـا تسمـع شكايـا وندايـا
يا مسندي قلبي على الدوم يطريـك
ما غبت عن عيني وطيفك سمايـا
هذي ثلاث سنين والعيـن تبكيـك
ما شفت زولك زايـر يـا ضنايـا
تذكر حياتي يـوم اشيلـك واداريك
والاعبـك دايـم وتمشـي ورايـا
ترقد على صوتي وحضني يدفيـك
ما غيرك احدٍ ساكن فـي حشايـا
واليا مرضت اسهر بقربك واداريك
ما ذوق طعم النوم صبـح ومسايـا
ياما عطيتك من حنانـي وبعطيـك
تكبـر وتكبـر بالأمـل يـا منايـا
لكن خساره بعتني اليـوم وشفيـك
واخلصت للزوجه وانا لي شقايـا
انا ادري انها قاسيـه مـا تخليـك
قالت عجـوزك مـا ابيهـا معايـا
خليتني وسط المصحه وانا ارجيك
هذا جزا المعروف وهـذا جزايـا
يـا ليتنـي خدامـة بيـن اياديـك
من شان اشوفك كل يوم برضايـا
مشكور يا ولدي وتشكر مساعيـك
وادعـي لـك الله دايـم بالهدايـا
حمدان يا حمـدان امـك توصيـك
اخاف من تلحق تشـوف الوصايـا
اوصيت دكتور المصحه بيعطيـك
رسالتـي واحروفهـا مـن بكايـا
وان مت لا تبخل علـي بدعاويـك
واطلب لي الغفران وهـذا رجايـا
وامطر تراب القبر بدموع عينيـك
ما عـاد ينفعـك النـدم والنعايـا

الله لا يبلانا[/ALIGN]

[ابو لانا]

مشكور يارامي وتقبل مروري

[الغريب]

السلام عليكم ورحمة الله وبركاته

اخي الكريم اشكرك

اهذا جزاء الام؟ قصيدة مؤلمة حزينة ( الجنة تحت اقدام الامهات ) اهذا الرضا ؟

اعوذ باللة منة ومن امثالة اللة لا يبلانا 0

الغريب

[أبو عمير]

السلام عليكم ورحمة الله

الأخ رامى

أولا حياك الله بين اهلك وجماعتك والله أسعدنا إنظمامكم إلى منتدى القبيله كما أشكركم على حسن إختياركم لهكذا مشاركات لما فيها من التذكير بحقوق الوالدين والله وأنا ولد عمك إنى لأستغرب ممن يتطاولون على والديهم وأتساءل هل هؤلاء بشر ويملكون بين حناياهم قلوب أم حجاره صماء حقيقة قصيده محزنه ومبكيه ولا نقول إلا اللهم إرزقنا برَهم.

تقبل تحياتى ومودتى

أخوكم أبوعمير

[محمد أمين بن رضا اللحياني]

اللهم ارزقنا بر الوالدين و رضهم عنا