مرثية في الأم

[اخت الرجال]

http://upload.wikimedia.org/wikipedia/commons/thumb/a/aa/Basmala-smaller.png/400px-Basmala-smaller.png

امي غــلاها يا بشر محتويني

منقوش فـي صدري وكـل الحنـايـا

هـي بسمتي اللي تنور سنينـي

وهي نوري وشمسي ونسمة هوايا

هي نبض خفاقي وهاجس حنيني

لـضحكاتـها دايـم عـروقـي ضمايــا

هي دنيتي ورضاها نور عيني

والهــام شعري يــا غــلاها دفايــــا

هي فرحتي لا صار قلبي حزيني

واجــــــروح ايـــامي وهـــمي دوايــا

هي راحتي لاصار وقتي يشيني

احكــي لهـا اسرار صمــت الخفايــا

واليوم ماتت ياحروف ارحميني

مــا عــاد فيني حــي كلـي ضحايــا

ضاقت بي الدنيا وفرحي نسيني

ومليت مـن جور الزمـان وشقايــا

الطيف والذكرى دايم تجيني

والجـــرح والاحــــزان نار بحشايا

يـا الله يـا من له ارفع يديني

اغفر ذنــوب امـي وكــل الخطايــا

وأسكنها جناتك أنــت المعيني

يــوم لـك اتـساق ارواح البــرايــا

[ابوعبدالله]

اخت الرجال/ مشكوره
وحب اشارك بهااذه القصيده االمنقوله
( قٌٍصٍْيَدًٍهٍَ مًحٍّزٍُنْهٍَ تُِِّْبٌَِكَيَ آلصٍْخٌِرٌٍ )


يمه .. منتهي جيتك وطالب منك الغفران
أقبل قاعة أقدامك وغسلها بدمعاتي

يايمه .. كل مافيني يناديلك أنا ندمان
طلبتك ؟ .. قولي سامحتك وردي لوجهي بسمتي

أنا أدري قلبك الطيب كسرته بصدمة النكران
غلطت .. وغلطتي هذي تغير كل غلطاتي

تشوفي الشيب يايمه ترى ماجا وأنا فرحان
وربي إلي رفع ذاتك ونزل للردى ذاتي

فقدت الراحه من بعدك .. فقدت الطيبه والتحنان
بدونك .. راحتي غاية بدينك هذي راحاتي

أنا بعدك ولا حاجه أنا بعدك ترى عميان
أشوف .. ولا أشوف إلي يوريني مساواتي

أنا وسيد الشقى والهم غدينا أخوان
يجيب هموم هالعالم .. ويرميها بمتاهاتي

صدقتي .. يوم قلتيلي تدين اليوم بس تندان
رميتك في بداياتي .. ورموني في نهاياتي

أنا من شالك بيده بأسفل البركان
نخيتيني .. وطلبتيني .. ولا حصلتي نخواتي

مثل ماهنتي بعيوني .. عليهم يمه قلبي هان
رموني وضعتهم فزعه .. وأنا الدمعات فزعاتي

يايمه لاتظني أنا من فعلهم زعلان ؟
سوات فيك سويته وسوو فيني سواتي

يايمه .. يالله ضميني ودفيني بها لأحضان
أنا أدري فيك مشتاقه .. وهمك بس ملاقاتي

يايمه ( حييييل ) ضميني أبي أرتاح أنا تعبان
تعبت أهرب من ذنوبي أبيك آخر مسافاتي

أبسمع منك كلمه .. لصوتك مسمعي ولهان
أبسمع ( يمه ) بصوتك أبذكر فيها نشواتي

أشوفك ساكنه يمه ؟ !! .. غفيتي ولا أنا غلطان ؟
غفيتي يابعد عمري ؟.. تعبتي من مواساتي ؟

يايمه طالبك قومي .. إذا لي في عيونك شان
أشوف الموت بعيونك عساها تخيب هقواتي

تعالو يابشر شوفوا أنا محتار أنا تلفان
أنا أمي مدري وش فيها أنا مدري أنا أحاتي

شنو ؟؟ أمي أنا ماتت ّ!!! لا لا .. لاترى غلطان
أنا أمي ماتخليني على حزني ووناتي

أنا أمي قلبها طيب ولا يمكن تبكي إنسان
أنا أمي ما تبكيني .. ولا تتمنى آهاتي

يايمه صح مامتي ؟ .. وصح الموت تو ماحان ؟
إذا متي أنا بعدك أبقضي وين ساعاتي

يايمه قومي .. وقولي الموت لا ماكان
أنا جيتك وأنا ناوي أببدي فيك جناتي

تركتيني ومتى وليه وأنا غرقان ؟
ولا مسموح ياوليدي !! .. ولاتلعنك لعناتي

أنا الجاني .. وأنا المجني .. وأنا المخطي .. وأنا الندمان
وأنا بإيدي رميتك إيه .. وبعثرت أهم ملفاتي

وجيت من الهنا مفلس .. وقلبي من الضنا خسران
تركتيني على ناري أعدد فيك زلاتي

ولاني مرضي ربي .. ولاني تابع الشيطان
أنا بعدك ترى مابين نهاياتي وبداياتي

يايمه منتهي جيتك وكلي مرتجي غفران
وشفت الناس تلعني .. وتحذرني من الاتي .. !!

[ابو لانا]

مشكورين على القصائد الرائعة

[فديتكم]

السلام عليكم ورحمة الله

مايحس بزود غلا وة الآم اِلا الي يفقدهااا

أنا أمي قلبها طيب ولا يمكن تبكي إنسان
أنا أمي ما تبكيني .. ولا تتمنى آهاتي

يايمه صح مامتي ؟ .. وصح الموت تو ماحان ؟
إذا متي أنا بعدك أبقضي وين ساعاتي

الهم ارحمهااا واسكنها فسيح جناتك

ومشكورين على القصيد

[الغريب]

السلام عليكم ورحمة الله وبركاته

طبعا الام مهما قنا فيها لا نوفيها حقها / هذة الام وهل فية اغلا من الام

اللة يرحم جميع اموات المسلمين 0

شكري الجزيل للاخ / ابو عبداللة00والاخت /اخت الرجال

علي هذا الشعر المحزن لاناس غاليين افتقدناهم00اللة يرحمهم

اللي يحب ان يهدي امة يتصدق عنها 0 تذهب لها الصدقة علي شكل هدية 00 واللة اعلم

لكم مني جزيل الشكر

الغريب

الغريب

[اخت الرجال]

مشكورين على المرور