بيرق لحيان
06-23-2009, 05:31 PM
بسم الله الرحمن الرحيم
السلام عليكم ورحمة الله وبركاته
هذا ديوان المغفور له بإذن الله / محمد بن محيسن المقيتي اللحياني
و نتمنى ممن يعرف له قصائد أن يضعها هنا حتى يكتمل ديوانه إن شاء الله و إن كانت هناك أخطاء فأرجو منكم تنبيهي لها
علما ً أني فقط جمعت القصائد التي كُتبت في هذا القسم
تولم يارسيلي فوق حراً قعودي = حراً تلاد يعد الى سبعا جدودي
لا طال مطراده عن الهقوى يزودي = يجمح سوات الظبي فمناً وخيفات
لا لد بعيانه كما أعيان سرحان = تقدح كما شرار زنداً وصوان
حراً وسيع الجيب لا زاع حدمان = خصره سوات القوس ولد الدخينات
فوقه كلايف غي عاشق وطربان = راعي معاني كل معنى بميزان
كلف حزابه واكتلف كل ما كان = كل المعاني كاملات حسينات
كوراً شغل جعاد بقياس عانيه = والفرش فوقه شغل جاهل مسويه
حط القصب والتل فوقه محليه - = شغل التمعني باليدين الذريفات
والميركه شغل اليدين الحسينه = حط القصب والتل فوق الجوخ زينه
ورصاص معني فسفايف رزينه = عدل اليدين اللي تريد الجميلات
وايضاً بدود الكور شغله وصيفه = حتى زهت فيها النقوش اللي لطيفه
شغل اليدين المرهفات الرهيفه = خات بدود الكور زينه زاهيات
وايضاً مكلف خرج تكليف مشتاق = خرجاً حساوي والقصب فيه براق
والجاعد المعني على القش ذا راق = حرا كمل معناه للناس فرجات
واعذار عدلٍ عدل راعي تعاديل = فرجه لراعي غي كمله وتكميل
وخطام مزوي زي عرجه بتكحيل = حراً كما المعناه تحقيق بثبات
فوقه تولم يارسيلي موصييك = تحتك شعيل وحيث تبغي مودييك
انصا عيال فهيد ربعاً تحييك = حول المدينه فالديار العذيات
ورد ذلولك في شريعة عين باني = تلقى حسن لا جيت تزهم يافلاني
نزال ثابي للرفاقه مكاني = مايتقي مبناه في كل الاوقات
تلقى الرفاقه فالجليسه مديره = ربعاً تحييبك تحيه كثيره
الا وابو محسن عساه الستيرة = قلطلك الماجوب والوقت مافات
واذا اكتملته كاملات الوجوبي = كل الرفاقه يعزمونك بالتحيه غصوبي
فرحه ليا مه جيت نشطاً للقلوبي = لو طال مجلاسك على غير ملات
وانصا الجذي في محله ونابيه = قرما ليا ما جيت يفرح بلافيه
عساه دايم مكتمل في معانيه = راعي الوفا يوم الليالي شحيحات
وحليس ابن فايز لزوم تنصاه = قرما ليا ما جيت ناصيه تلقاه
مايتقي في وسط ربعه لمن جاه = يفرح ليا ماجيت فرحه بنشطات
وبن محسن عصيلي لا تعداه = لزماًتجيله في محله وتنباه
حتى يشوف الخط هذا ويقراه = وبلغه مني كثير التحيات
ثم ادرج في وسط ربعاً ذهاني = تلقى مبانيهم كبار المباني
يابعدهم عني وانا في مكاني = ياقربهم مني ليا جات عازات
بلغ سلامي والتحيه بتهذيب = للساعدي قاصي وداني بترتيب
رده وفا من قلب ماهي تناصيب= انصابها ربعاً تريد الشجاعات
من بعدها قول انا جيت مرسول= ناصي السواعد فوق حراً شمخلول
حراًيطاوعني على حيث ماقول = وسط الرفاقه فالديار العزيزات
مرسول ابو محيسن وهاذي وصاته= ماشفه الا لام ربعه عزاته
عزيل من لا عزوته هم عصاته = يمسي حسيف الراي عينه ماتبات
وأختم كلامي بالنبي المرجى = اللي تجيه الناس من كل فجه
عداد منه طاف بالبيت وحجى = وعداد ماغنت طيوراً ساجعات
لغز من كلمات محمد بن محيسن رحمه الله :
ياصاحب العز بسآلك = عن بنت دايم عليها نور
لاشفتها تطرح عزالك = واللي خطبها عليها يدور
ولغز آخر :
بسألك عن بير أكي أوش = ثلاث ياناس بالعربي
من لا عرفها حياته بوش= يجلي عن الحي يغتربي
كسرة من كلمات عبدالله بن محمد بن محيسن اللحياني :
أنا المفـرط أنـا الجاني == يوم إن قرشي أفرط فيـه
وأعرفك ياعودنـا الفانـي== تحرص وعنا الذهب تخفيه
بالجـود أبغـاك تغطانـي == خلني أتمتع وراسك فيـه
نزلنـا غالـي المـالـي == لا تخاسر اللي لنا تعطيـه
ورد عليه والده محمد بن محيسن ( رحمه الله ) :
ذا قول جاهل ولا أشقانـي == من صان قرشه يبا يغليـه
القرش لو كـان ديوانـي == ينفعك في حزتـه لا قيـه
وشباب ذا الوقت خسراني == حراج بعد العصـر ناويـه
من لا على القرش سهراني == يمسي ويصبح على ضاويه
قالها اللي تهيض وغنا=عادل الأمثال من كل فنا
من ضمير قالها ماستكنا= والهواجس جاتني متلافيات
في نهاراً قلتها والقلب ونا= يوم أريت اللي بها قلبي تغنا
كامله والزين فيها كاملنا= والعيون ألها حواجب مقرنات
خرعوبةٍ بيضاء حسينه =خصرها ناحل سوات القوس زينه
عنقها عنق الغزال موصفينه= والجعود ان نشرتها سابحات
صدرها بستان فيه الفل زاهي= وأثمر التفاح فيه ثم تاهي
والعنب زان أستواه وصار ناهي= من روى عوده فنونه مايلات
لابسه ثوب الحلا والكمالي =والخواتم من ذهب وألماس غالي
لبسها والجسم كله صار حالي= زاهيه بالبس وبكل الصفات
ريحه العنبر وريح المسك فاح= عجت الأرياح لين القلب راح
صرت انا محتار ودموعي سفاح =حارت أقدامي وضلت حايرات
لديت فيها وهي فيا تلدي= ودموع عيني سايلات فوق خدي
قلت وا وجداه بعد انباح سدي= بالدموع اللي عليا ذارفات
خاطبتني بالخطاب اللي لطيف= هرج مثل الدر من فمها ظريف
طال بي ليلي وانا ليا زنيف= سايلتني قلت انا لي قلب فات
قالت انت يامحمد كون جلود= ثم ضمتني على ذيك النهود
بعد ذا قطفت وردات الخدود= عادلي قلبي وفيا الروح جات
عانقتني والخلايق نايمين= يوم كلن نام حنا سامرين
وأشرب الفنجال من يدها اليمين= كاس شاهي والحلا ريق الشفات
مابيننا كاس الهوى والود سامر=رايق المشروب لهلالٍ وعامر
في مجلسٍ مافيه غير الله خابر= مطلع بالبينه والخافيات
وأنتظر في حكم ربي والسلامي= وتهنا بعد ماحصل الليامي
بالذي ماغيرها ليا غرامي =وأتسلى والخلايق غافلات
* الوصايا العشر*
اول كلامي يوم اقوله واغنيــه= قافٍ مصرف معتني فيه راعــيه
من بعد ما قيست وقتي ومافيــه = قمت اتمثل بالطروق العجيـــباـت
عزي لمن لا يحتزم بالســـــلاحي= ولايمشىالامع الرجال الفــــلاحي
اللي نهار الضيق فيهم رباحي= والاكثير الناس مشيه خسارات
بوصي عيالي والوصايا لزومي = حقٍ عليهم يدركون العلومــي
اللي من الجدان يلقونه رسومي = ِعزاه من لايدركون الوصايات
هذه وصاتي واسمعوا ياعـيالي= تلقون فيها ربحكم والنـــوالي
ألاوله فالصبر والصدق غـالي = والكذب مايبني لراعيه بنايات
والثانية الصمت حشمة ومقدار = مافي كثير الهرج غرسات وأثمار
إلايضيع كل مجموع الأفــكار = تعـبـان هّراجه ولافـيـه ثـبـات
والثالثة من صان روحه حصنها= ماشانها الا مشيها في جهنها
جنّـبــها عن طــرايـق مـحنـها = وتمسيبها مرتاح في عز راحات
والرابعة ضـدواعـداكم باليام = ترى التفرق مايجيب الا العدام
بيت الأخاوه شيدواأهل الزعام = ماتـهـدد لوتجـيـه الصـاعـقات
والخامسة ما عاداشوف في هاالزمان= إن كان ضل غير كيسك واللسان
واحده من الثنتين خلوها حصان = فيها عزايم بصركم والشطارات
والسادسة لا جاتكم قالة تغير = يسعى بها واحد معجل بالمسير
قله على هونك تريّض يابصير = حتى تعرفون الدروب السالكات
والسابعة لا جات حزات الرفيق = كونوا معه وافين فكوا كل ضيق
وانتم بحفظ الله تعرفون الطريق = اللي توصل للعدود الراهيات
والثامنة لاجات زلة من قريب = أما وليد العم ولا من حبيب
تسعين زلة تندمحله ماتعيب = وان زادها لاتقبلون الزايدات
والتاسعة فالجار لايشكي كريه = بينه وبين اللي خلقنا مكتـليه
إن شد وإن ظل الحفايف لاتجيه = خلوه يذكـركـم بكـل الـطيبـات
والعاشرة لا شفتوا الديرة شحيحة = قلت منافعها ولاهي نصيحة
تـبـدلـوا عنـها ديــارا مليـحـة = تلقون فيها ياعيالي مسرات
من بعدها سوموا كلامي للرجال = اللي تعرف المايلة واللي عدال
إما لقـيتـوها كما نـقـد الـريــال = ولا كما نقد التجار مجوهرات
ولا احد بعقله يكتفي غير العزوم = مثل القمر لا تاه في برج النجوم
عزمه يتيهبه وتردعه الخصوم = حتى يعود لـلدروب السالكــــات
العاقل اللي ياجماعة يستشيــر = ياخذ مشورة من صغير ومن كبير
من بعدها يرجع لفكره والضمير = قد ميز الوزنة وشاف الراجحات
وهذا كلام قاله الشاعر صواب = مـافـيه لا زلـة ولافيـه إنـقـلاب
قاله محمد للشيوخ والشبــاب = ابن محيسن ما يجيب المخطيات
واختم كلامي بالنبي ذاك الهلال = صّلى عليه الرب وامرنا وقــــال
صلوا على المختار باهي في الجمال = عداد ما غنت الطيور الساجعات
تنويه : -
هذه القصائد كما نُقلت لنا و ببعض الأبيات كسور و نأمل ممن عنده الصيغة الصحيحة أن يراسلنا لنعدلها .
السلام عليكم ورحمة الله وبركاته
هذا ديوان المغفور له بإذن الله / محمد بن محيسن المقيتي اللحياني
و نتمنى ممن يعرف له قصائد أن يضعها هنا حتى يكتمل ديوانه إن شاء الله و إن كانت هناك أخطاء فأرجو منكم تنبيهي لها
علما ً أني فقط جمعت القصائد التي كُتبت في هذا القسم
تولم يارسيلي فوق حراً قعودي = حراً تلاد يعد الى سبعا جدودي
لا طال مطراده عن الهقوى يزودي = يجمح سوات الظبي فمناً وخيفات
لا لد بعيانه كما أعيان سرحان = تقدح كما شرار زنداً وصوان
حراً وسيع الجيب لا زاع حدمان = خصره سوات القوس ولد الدخينات
فوقه كلايف غي عاشق وطربان = راعي معاني كل معنى بميزان
كلف حزابه واكتلف كل ما كان = كل المعاني كاملات حسينات
كوراً شغل جعاد بقياس عانيه = والفرش فوقه شغل جاهل مسويه
حط القصب والتل فوقه محليه - = شغل التمعني باليدين الذريفات
والميركه شغل اليدين الحسينه = حط القصب والتل فوق الجوخ زينه
ورصاص معني فسفايف رزينه = عدل اليدين اللي تريد الجميلات
وايضاً بدود الكور شغله وصيفه = حتى زهت فيها النقوش اللي لطيفه
شغل اليدين المرهفات الرهيفه = خات بدود الكور زينه زاهيات
وايضاً مكلف خرج تكليف مشتاق = خرجاً حساوي والقصب فيه براق
والجاعد المعني على القش ذا راق = حرا كمل معناه للناس فرجات
واعذار عدلٍ عدل راعي تعاديل = فرجه لراعي غي كمله وتكميل
وخطام مزوي زي عرجه بتكحيل = حراً كما المعناه تحقيق بثبات
فوقه تولم يارسيلي موصييك = تحتك شعيل وحيث تبغي مودييك
انصا عيال فهيد ربعاً تحييك = حول المدينه فالديار العذيات
ورد ذلولك في شريعة عين باني = تلقى حسن لا جيت تزهم يافلاني
نزال ثابي للرفاقه مكاني = مايتقي مبناه في كل الاوقات
تلقى الرفاقه فالجليسه مديره = ربعاً تحييبك تحيه كثيره
الا وابو محسن عساه الستيرة = قلطلك الماجوب والوقت مافات
واذا اكتملته كاملات الوجوبي = كل الرفاقه يعزمونك بالتحيه غصوبي
فرحه ليا مه جيت نشطاً للقلوبي = لو طال مجلاسك على غير ملات
وانصا الجذي في محله ونابيه = قرما ليا ما جيت يفرح بلافيه
عساه دايم مكتمل في معانيه = راعي الوفا يوم الليالي شحيحات
وحليس ابن فايز لزوم تنصاه = قرما ليا ما جيت ناصيه تلقاه
مايتقي في وسط ربعه لمن جاه = يفرح ليا ماجيت فرحه بنشطات
وبن محسن عصيلي لا تعداه = لزماًتجيله في محله وتنباه
حتى يشوف الخط هذا ويقراه = وبلغه مني كثير التحيات
ثم ادرج في وسط ربعاً ذهاني = تلقى مبانيهم كبار المباني
يابعدهم عني وانا في مكاني = ياقربهم مني ليا جات عازات
بلغ سلامي والتحيه بتهذيب = للساعدي قاصي وداني بترتيب
رده وفا من قلب ماهي تناصيب= انصابها ربعاً تريد الشجاعات
من بعدها قول انا جيت مرسول= ناصي السواعد فوق حراً شمخلول
حراًيطاوعني على حيث ماقول = وسط الرفاقه فالديار العزيزات
مرسول ابو محيسن وهاذي وصاته= ماشفه الا لام ربعه عزاته
عزيل من لا عزوته هم عصاته = يمسي حسيف الراي عينه ماتبات
وأختم كلامي بالنبي المرجى = اللي تجيه الناس من كل فجه
عداد منه طاف بالبيت وحجى = وعداد ماغنت طيوراً ساجعات
لغز من كلمات محمد بن محيسن رحمه الله :
ياصاحب العز بسآلك = عن بنت دايم عليها نور
لاشفتها تطرح عزالك = واللي خطبها عليها يدور
ولغز آخر :
بسألك عن بير أكي أوش = ثلاث ياناس بالعربي
من لا عرفها حياته بوش= يجلي عن الحي يغتربي
كسرة من كلمات عبدالله بن محمد بن محيسن اللحياني :
أنا المفـرط أنـا الجاني == يوم إن قرشي أفرط فيـه
وأعرفك ياعودنـا الفانـي== تحرص وعنا الذهب تخفيه
بالجـود أبغـاك تغطانـي == خلني أتمتع وراسك فيـه
نزلنـا غالـي المـالـي == لا تخاسر اللي لنا تعطيـه
ورد عليه والده محمد بن محيسن ( رحمه الله ) :
ذا قول جاهل ولا أشقانـي == من صان قرشه يبا يغليـه
القرش لو كـان ديوانـي == ينفعك في حزتـه لا قيـه
وشباب ذا الوقت خسراني == حراج بعد العصـر ناويـه
من لا على القرش سهراني == يمسي ويصبح على ضاويه
قالها اللي تهيض وغنا=عادل الأمثال من كل فنا
من ضمير قالها ماستكنا= والهواجس جاتني متلافيات
في نهاراً قلتها والقلب ونا= يوم أريت اللي بها قلبي تغنا
كامله والزين فيها كاملنا= والعيون ألها حواجب مقرنات
خرعوبةٍ بيضاء حسينه =خصرها ناحل سوات القوس زينه
عنقها عنق الغزال موصفينه= والجعود ان نشرتها سابحات
صدرها بستان فيه الفل زاهي= وأثمر التفاح فيه ثم تاهي
والعنب زان أستواه وصار ناهي= من روى عوده فنونه مايلات
لابسه ثوب الحلا والكمالي =والخواتم من ذهب وألماس غالي
لبسها والجسم كله صار حالي= زاهيه بالبس وبكل الصفات
ريحه العنبر وريح المسك فاح= عجت الأرياح لين القلب راح
صرت انا محتار ودموعي سفاح =حارت أقدامي وضلت حايرات
لديت فيها وهي فيا تلدي= ودموع عيني سايلات فوق خدي
قلت وا وجداه بعد انباح سدي= بالدموع اللي عليا ذارفات
خاطبتني بالخطاب اللي لطيف= هرج مثل الدر من فمها ظريف
طال بي ليلي وانا ليا زنيف= سايلتني قلت انا لي قلب فات
قالت انت يامحمد كون جلود= ثم ضمتني على ذيك النهود
بعد ذا قطفت وردات الخدود= عادلي قلبي وفيا الروح جات
عانقتني والخلايق نايمين= يوم كلن نام حنا سامرين
وأشرب الفنجال من يدها اليمين= كاس شاهي والحلا ريق الشفات
مابيننا كاس الهوى والود سامر=رايق المشروب لهلالٍ وعامر
في مجلسٍ مافيه غير الله خابر= مطلع بالبينه والخافيات
وأنتظر في حكم ربي والسلامي= وتهنا بعد ماحصل الليامي
بالذي ماغيرها ليا غرامي =وأتسلى والخلايق غافلات
* الوصايا العشر*
اول كلامي يوم اقوله واغنيــه= قافٍ مصرف معتني فيه راعــيه
من بعد ما قيست وقتي ومافيــه = قمت اتمثل بالطروق العجيـــباـت
عزي لمن لا يحتزم بالســـــلاحي= ولايمشىالامع الرجال الفــــلاحي
اللي نهار الضيق فيهم رباحي= والاكثير الناس مشيه خسارات
بوصي عيالي والوصايا لزومي = حقٍ عليهم يدركون العلومــي
اللي من الجدان يلقونه رسومي = ِعزاه من لايدركون الوصايات
هذه وصاتي واسمعوا ياعـيالي= تلقون فيها ربحكم والنـــوالي
ألاوله فالصبر والصدق غـالي = والكذب مايبني لراعيه بنايات
والثانية الصمت حشمة ومقدار = مافي كثير الهرج غرسات وأثمار
إلايضيع كل مجموع الأفــكار = تعـبـان هّراجه ولافـيـه ثـبـات
والثالثة من صان روحه حصنها= ماشانها الا مشيها في جهنها
جنّـبــها عن طــرايـق مـحنـها = وتمسيبها مرتاح في عز راحات
والرابعة ضـدواعـداكم باليام = ترى التفرق مايجيب الا العدام
بيت الأخاوه شيدواأهل الزعام = ماتـهـدد لوتجـيـه الصـاعـقات
والخامسة ما عاداشوف في هاالزمان= إن كان ضل غير كيسك واللسان
واحده من الثنتين خلوها حصان = فيها عزايم بصركم والشطارات
والسادسة لا جاتكم قالة تغير = يسعى بها واحد معجل بالمسير
قله على هونك تريّض يابصير = حتى تعرفون الدروب السالكات
والسابعة لا جات حزات الرفيق = كونوا معه وافين فكوا كل ضيق
وانتم بحفظ الله تعرفون الطريق = اللي توصل للعدود الراهيات
والثامنة لاجات زلة من قريب = أما وليد العم ولا من حبيب
تسعين زلة تندمحله ماتعيب = وان زادها لاتقبلون الزايدات
والتاسعة فالجار لايشكي كريه = بينه وبين اللي خلقنا مكتـليه
إن شد وإن ظل الحفايف لاتجيه = خلوه يذكـركـم بكـل الـطيبـات
والعاشرة لا شفتوا الديرة شحيحة = قلت منافعها ولاهي نصيحة
تـبـدلـوا عنـها ديــارا مليـحـة = تلقون فيها ياعيالي مسرات
من بعدها سوموا كلامي للرجال = اللي تعرف المايلة واللي عدال
إما لقـيتـوها كما نـقـد الـريــال = ولا كما نقد التجار مجوهرات
ولا احد بعقله يكتفي غير العزوم = مثل القمر لا تاه في برج النجوم
عزمه يتيهبه وتردعه الخصوم = حتى يعود لـلدروب السالكــــات
العاقل اللي ياجماعة يستشيــر = ياخذ مشورة من صغير ومن كبير
من بعدها يرجع لفكره والضمير = قد ميز الوزنة وشاف الراجحات
وهذا كلام قاله الشاعر صواب = مـافـيه لا زلـة ولافيـه إنـقـلاب
قاله محمد للشيوخ والشبــاب = ابن محيسن ما يجيب المخطيات
واختم كلامي بالنبي ذاك الهلال = صّلى عليه الرب وامرنا وقــــال
صلوا على المختار باهي في الجمال = عداد ما غنت الطيور الساجعات
تنويه : -
هذه القصائد كما نُقلت لنا و ببعض الأبيات كسور و نأمل ممن عنده الصيغة الصحيحة أن يراسلنا لنعدلها .