قصائد إهداء للمشايخ و منتدى قبيلة لحيان

[اللجنة الإعلامية]

http://www.lhyan.com/vb/uploaded/1_01241867917.gif



السلام عليكم ورحمة الله وبركاته

يسر إدارة ومشرفي وأعضاء منتديات قبيلة لحيان الترحيب بمشائخ لحيان في منتديات القبيلة على الشبكة الإلكترونية ونحن إذ نقدر لهم قبول إستضافة أعضاء المنتدى واللقاء مع أبناء قبيلتهم نشكر لهم أيضا الحفاوة الكبيرة التي قابلوا بها أعضاء وفد المنتدى وهذا ليس بمستغرب منهم بل أن أعضاء المنتدى وجدوا صعوبة كبيرة في الخروج من منازلهم دون أن يختتم اللقاء على الأقل بوعد من الوفد للعودة لإكمال الضيافة التي أستعدوا بها .

ونحن نقدر لهم حبهم لأبناءهم وفي نفس الوقت تفهمهم لمهمة الوفد الذي يصعب عليه التجاوب مع جميع الدعوات التي وجهت له ونعدهم في نفس الوقت بجمع شيوخ لحيان وأبناء القبيلة في مناسبة عيد الفطر المبارك إن شاء الله وهذا ما وجدناه منهم من ترحيب كبير بهذه الفكرة.

شكرا مرة أخرى لمشائخنا الكرام ومرحبا بهم مرة أخرى.


وهذه مبادرة وإهداء رائع من .. الشاعر / مبارك بن معتق الحصيني اللحياني خص بها مشائخ و منتدى قبيلة لحيان بمناسبة اللقاء بمشائخ القبيلة . وصح لسانك يا ابا خالد .


http://www.lhyan.com/vb/uploaded/1_01241866902.gif



هلا يامـرحـبا بشيوخنا في منتدى لحيان= شيوخ العرف وشيوخ المواقف نفتخر فيها
أبا أرحب وباأحيي الشيوخ الي لها ميزان= شيوخ(ن)فالمحاضر حكمها بالعقل يقديها
ترى اللحياني لامنه حكم بالحق له برهان= يمد الخصم بالحكمه ويرضى ماصدر فيها
أهل حكمه وأهل منشد وأهل قالة وأهل نيشان= ليا صعبت ترى اللحياني حاكمها وقاضيها
أصالتنا فخر ونا أفتخر بأصلي ولد لحيان= أهل جيره وأهل عاني ولاتقصر مواطيها
بني لحيان منصى للضيوف وضد للعدوان= تمد العون للمحتاج تفرح من يناصيها
بدون قصور في شيوخ القبايل ماحصل نقصان= نقدرها وتكـرم فأول الهجره وماضيها
وبا أحيي الشباب اللي جمعهم منتدى الرحمن= جميع المشرفين وكل لاعضاء الله يحييها
رياجيل (ن)تعز المنتدى واصبح رفيع الشان= ألا يـالله توفـقـهم وبـارك فــي لـيالـيها
رجال يحكمون عقولهم وتعلي البنيان= تلم الشمل والا التفرقه محد(ن)براضيها
وختمها بذكر الله عدد من طاف بالاركان=عدد من حج بيت الله والكـعبه ركع فيها



http://www.lhyan.com/vb/uploaded/1_01241866902.gif



وهذه مبادرة وإهداء آخر رائع من .. الشاعر / مرزوق بن عبيد بن عبدالله اللحياني ..




هذا الحصيني جاب للعلم برهـان=ياخذ من الجزلات يعطـي ثمينـه
يامرحبا ترحيب بشـوخ لحيـا ن=بالمنتدا الي سـار مـزداد زينـه
العرف مكسبهم علي مر الازمـان=تاخذ وتعطـي بالمواقـف رزينـه
يالله تجمعهم علـى عـز ويمـان=ولى يبـا التوفيـق ربـى يعينـه
سته شيوخ عدهـم دون نقصـان=في حزت الميقـاف كلـن يمينـه
تسبق رفيقه يوم روغات الاذهـان=كلن على ربعـه يقلـط سمينـه
ونا على ربعـي شفوقـن ولهـان=ادعو لهـم بالعـز ياطـا لبينـه
يامبدلة خوف المواطـن بالمـان=يادولة الايمـان وايضـا امينـه
كل القبايل اصبحو اهـل وخـوان=ماحد يدور عنـد جـاره رهينـه
عبد العزيز الى جمع شمل الاوطان=هذاك اخونـوره مـروي سنينـه
عساه بالجنـات جنـات عدنـان=يرتع بها بثياب سنـدس ثمينـه
يجزاه عنا كل حسنـه بالاحسـان = وكـل نفـس بمـا تقـدم رهينـه





http://www.lhyan.com/vb/uploaded/1_01241866902.gif




وهذه مبادرة وإهداء آخر رائع من ..شاعر المنتدى / بيرق لحيان ..







عد قالوا تهيض و انت للجزلة ترى عنوان=نبي ترحيب لايق بالمشايخ و انت ما تُعذر
تقدم و ابدع الأمثال قلت ان كان بالإمكان =و أنا راسي من افكاري و همومي حيل متضجر
أشوف الوقت يسرقني و أنا واقف على الألحان = أجر اللحن و اغيّر و اعاف الحبر و الدفتر
تعبت اسكت تعبت اصرخ و انا في داخلي إنسان = يريد يعانق احلامه و لكن لا مشى اتْعثر
و يصحى من حلومه و الوعد بحرا من الأحزان=يعـوم بواقعـه ثـم ٍ يقـول الشعـر يتصبـر
وانا وقت الوجوب اقـدم المجهـود لا خـذلان=أعز الشعر و حروفي كما ورد ٍ و مسـك اذفـر
و أنا شاعر و اعرف الشعر بالألحان و الأوزان=ولا منـي كتبـت الشعـر فالإبـداع يتفـجـر
أرحب بالشيوخ اللي لفوا فـي منتـدى لحيـان=تراحيب ٍ مكملهـا و مـن يسمـع بهـا يُبهـر
هلا يا مرحبا بشيوخنـا العـراف و الفرسـان=هلا يا مرحبا قد مـا بقـول اشوفنـي مْقصـر
هلا يا مرحبا تكميل نذبح مـن خيـار سمـان=هلا يـا مرحبـا و الشاذليـة تشـرح الخطـر
هلا طيب و هلا عود و هلا ورد و هلا ريحـان=هلا و بخورنا مُـرِّر عليكـم .. منكـم اتعطـر
هلا يا مرحبا دايم هـلا سالـم مـن النقصـان=هلا يا مرحبا من شاعـر ٍ عـن ربعـه يْعبّـر
هلا يا مكرمين الضيف يا اهل الخير و الإحسان=هلا يا مْجيرة مظهـود لـه تنصـر ولا تخسـر
هلا يا نْجـوم وضـاءة ولا تُعلـى ولا تنهـان=و حنا بنوركم نبصر و به نرقى علـى المنبـر
هل الرأي الجزِل و الرأي تبنونه على السيسان=أهل منصى و أهل فزعة طوال ايمان ما تقصـر
هلا في منتدى راااااقي يضم الكـل كالإخـوان=بعـد مـا فرقتنـا ديارنـا و اعدادنـا تكـثـر
تجمعنا على طيـب و محبـة نعلـي البنيـان=بنا كاتب بنا مبـدع بنـا شاعـر بنـا مْفكـر
بني لحيان قوم العـز و الهيبـة مـن الهـذلان=ظلالة روسنـا و احنـا بثـوب الفخـر ندّثـر
قبل حنـا لنـا دولـة تسمـى مملكـة ديـدان=ثلاث قرون نحكمها و ثوب الفخـر مـا يشمـر
أهل دين ٍ و أهل مذهب قويم و من قديم ازمـان=و منا للرسول اصحاب و لْعلمـه غـدت تنشـر
و إذا للمعركة ميدان ربعي في الوغـا نيـران=يجون مسلِّمين الـروح للبـاري / نبـا نُؤجـر
و إذا جت للشعر حنا لنا دون العـرب ديـوان=فصيح لسان و مْميز به الكـادي بـه العنبـر
هذيل اشعر عرب قد قالها مـن قبلنـا حسـان=فصاحتنـا تميزنـا كـلام ٍ قـيـل و مْسـطـر
و اذا راحت على الفصحى نجيد القول خذ برهان=هذيل ٌ بين كل العرْ /// ب في الأشعار هم أشعر
إذاً : في صفحة التاريخ مجد و نور كحل اعيان=ما قلته من تعصب مير أرى من حقنـا نفخـر










http://www.lhyan.com/vb/uploaded/1_01241866902.gif







وهذه مبادرة وإهداء آخر رائع من ..شاعرة هذيل/ريوف هذيل ..








ودي انظم قافية شعر ٍ وفيـه=للقروم اللي على الحيد المتين
جيت أبمدح والتحايا في يديه=غصن ريحانٍ مثنى و ياسمين
لا مدحت امدح ولا لي ولا عليه=كود كلمة حق و المعنى مبين
امدح الفرسان في يوم الحميه=امدح السيف المحنى في اليمين
من صمالة راس عذرا خالديه=تمدح اهل الطيب ملاّك العرين
و ياسلامي للشيوخ اللي هنيه=مثل سَوْق الرعد لا جا له دنين
أهل عزٍ و أهل قاف ومقدريـه=يا لحايين الكرم و العرف دين
الدلال تفوح والأنفس رضيـه=والبيوت وساع والمنطق سمين
والقلوب نظاف و الطيبة سجيه=والعزوم جمال ما يوم ٍ تليـن
وفي ختام القاف من قلبي تحيه=لمنتداكم يا الرجـال الطيبيـن




http://www.lhyan.com/vb/uploaded/1_01241738323.jpg[/