من أصعب المواقف المحرجة

[أبو نواف]

السلام عليكم ورحمة الله وبركاته

ياريت قبل ما تقرى تحضر لنا موقف صعب مريت فيه .

بعترف بإعتراف لأول مره
لأني كثير ما أقول شوف يا حبيبي فصارت عادة على لساني . ولا أخفيكم إن الكلمة حلوه ولكن مو في كل الأوقات ولا لكل الناس .

مره جاتني حاجيه في شهر الحج وتسئلني عن عنوان سكنها في أي إتجاه طبعا عنوانها معاها .

ومن غير ما أحس قلت شوفي يا حبيبي ...... طبعاً توقفت وتتأتأت وتلخبطت ولكني حاولت أن أعيد الأمور إلى نصابها الطبيعي فأعدت ياحبيبتي يا أمي فرجعت أنظر إلى ملامح وجهها خلسة فلقيت إبتسامة أعادت لي توازني نوع ماء والخجل يعصرني ويعصف بي التوتر اللي جاني من كلمة شوفي يا حبيبتي المهم بعد ما وصفت لها العنوان واللي أغلبه إشارة باليد ههههههههههههه .
قالت مشكور يا حبيبي ..... فتوقفت قليلاً ثم قالت يا إبني فذهبت .
أحسست ببرودة قارسة في أطرافي تكاد تتكسر أصابيعي من قوة البرد مع العلم إن حرارة الجو وقتها حوالي 45 درجة أو أكثر .
ياشين التعود على الكلمات ! والله وقتها قليل ويغمى عليه من الخجل والتوتر .

أترككم في أمل ألقى إعترافات محرجه بعدي هههههههههههههه.

[r3d]

عادي جداً أبو نواف اهم شي التخلص من الموقف !!!!!!

[ســـــ بن تركي ـــتر]

والله الفكرة حلوة ابو نواف ولي عودة

[ابـــو ســديـم]

قالت مشكور يا حبيبي ..... فتوقفت قليلاً ثم قالت يا إبني فذهبت

:rolleyes: :D

هههههههههههههههههههههههههههههههههههههههههههه

وربي قويه

لي عوده ان شالله <<<<< برب عشاء

[أبو نواف]

رعد أخوي والله الموقف مو عادي على الأقل من وجهة نظري <======= صار لونه وقتها أصفرررررررر .
رعد <==== ما علمنا على موقف صار عليه ....

الأخوين ســـــ بن تركي ـــتر + شجا111ع

أنتظر مواقفكم ويارب ما يطول إنتظاري .

شجا111ع وش معنى برب ؟ ;);)

[ابوفيصل]

وهذى بعض المواقف المحرجه


اصعب موقف انك تسلم على واحد ويطلع ما يعرفك ولا تعرفه
اصعب موقف انك ما تعرف ولد عمك
اصعب موقف انك ما تدرى وش تكل اذا كنت جوعان
اصعب موقف انك يوم العيد تقول مبروك على الشهر
اصعب موقف انك تعشق بنت بالحاره و يصارحك هندى البقاله فى حبها
اصعب موقف انك تدخل مطفى النور على جدك وتلقى الشغاله مدنقه وتحب راسها على انها جدتك
اصعب موقف انك بالشرطه ويحققون معك بدون قضيه ويقول المحقق اعترف والا ابى اسجنك لين السبت واعرف وش مسوى
اصعب موقف انك تنفخ على هندى ويجلدك عند عيال الحاره
اصعب موقف انك تفحط عند اطرم ويجى يكلمك يقول ( والله من ابوك ) يعنى ( والله انى لا اعلم ابوك)

[محمد أمين بن رضا اللحياني]

بالنسبة لي أصعب موقف أجد فيه الاحراج هو لما أركب بالحافلة

ويكون الاكتضاض و الاختلاط نساء و رجال

[عاشقة القمر]

طيب وش رايكم في اللي طالع من عند ناس ويوادعهم بدل ما يقول في امان الله لشخص
يقووووووووووووووووووووووووووووووووووووول


كيف الحال

[ابـــو ســديـم]

بالنسبة لي أصعب موقف أجد فيه الاحراج هو لما أركب بالحافلة

ويكون الاكتضاض و الاختلاط نساء و رجال

الله يكون في عونك اخوي محمد امين ,,

طيب وش رايكم في اللي طالع من عند ناس ويوادعهم بدل ما يقول في امان الله لشخص
يقووووووووووووووووووووووووووووووووووووول


كيف الحال

هههههههههههههههههههههه صارت معي

هلا يا ابو نواف

شجا111ع وش معنى برب

من مسطلحات الانتر نت يعني كاني اقول مع السلامه <<< حسب مافهمت

نرجع للمواقف المحرجه


ابي اقولك سالفه سمعتها من شايب عندنا بلعمل يقول يوم زواج ولد اخوي اخذت ام العيال

وكنت رايح لقصر الافراح , قالت ام العيال لخوينا وقف يا ابو فلان وخذ لنا علبه حلاوة , يقول خوينا

وقفت عند اخر محطة على الخط السريع (( طريق الشرايع ))

ونزلت وشتريت علبة فاخره من الحلاوه

المهم رجع الرجال وركب السياره ومشى ,, رايح لقصر الافراح

بعد 100 متر والكلام لخوينا ,, التفت يم ام العيال

الا هذي متوزيه وخاشه بركن المقعده الاماميه

طبعأ اكتشف ( انه غلطان بسيارته وان هذي المره مو ام العيال ):eek:

ولا قال كلمه وحده ,,

دور من اول لفه ورجع للمحطة ..

يقول اول ماوصلت شفت سيارتي واقفه في محلها وهذاك الرجال

طول بعرض (( مشمر ومعاه عصا والشرار يخرج من عيونه ))

وش سوا خوينا بعد ما وصل ,,

فتح فتحه صغيره من قزاز السواق (( والرجال راعي السياره معصب يحاول يفك الباب بلقوه ))

يقول بعد ماهديت عليه قلت له يابن الحلال والله العظيم غلطان بسارتي مثل سيارتك :D

لكن شوف سيارتي واقفه وام العيال راكبه , هههههههههههههههههههههههههههه

روح خذ لفه بسيارتي مثل ماخذت سيارتك (( وحده بوحده ههههههه )):D

يقول مانتهيت من كلمتي الا والرجال ميت من الضحك

استغل صاحبنا الفرصه ونزل من السيارة واعتذر عن الغلطه

وحسب ماقلي صاحب الموقف انهم لليوم اصحاب ويتواصلون من فتره لفتره

وعلمي سلامتك يا ابو نواف

[محمد أمين بن رضا اللحياني]

أدخلت علي السرور يا أخي شجاع

بارك الله فيك

[فديتكم]

فكره حلوووووووم منك يا ابووو نواف

وموقف احلى يا شجااااع

موقفي
كنت مع زوجتي باحد الاسواق بمكه وعند دخولنا احد المحلات المقتضه كانت زوجتى بجانبي الايمن عند البترينه

وبقدرة قادر تحركت من الجهه اليمنى الي الجهه اليسره والتهت بالاقمشه بدون مانتبه وجات محلها أمراءه تكاد تكون هيه ( طبعا بلعباءه ) وكنت اعلق على كل شي تمسكه لا هذه مو حلوه , لا هذه بايخه والغريبه تسمع كلامي وتتركه واشوف الحرمه تبعد عني ونا لازق جنبها على بالي زوجتي الحمدلله انها ماخرجت كان خرجت وراها وضيعت ام العيال والحمد الله ان لسانها مو طويل كان سوت فضيحه والحمد لله ان السالفه ماطولت جاتني ام العيال وسحبتني بيدي هيا هيا
وتفاجئت وسحبت نفسي كاني ماسويت شي

[أبو نواف]

أبو فيصل / ياريت تعلمنا وش اللي يخصك من المواقف اللي كتبتها ;);) أمزح معك يا قلبي هههههه .

محمد أمين / يا ريت تقول لنا موقف حصل عليك في الباص لا تحسد عليه :cool::cool: .

عاشقة القمر / كيف حالك والله تكليجه :D:D .

شجاع / الحمد لله ما صار في الحرمة مثل ماصار للبنت اللي في طاش :D:D .

فديتكم / قالت لك أم العيال هيا هيا والله إنك حضيض ما شاء الله عليك ما أنتبهت لك من بدري :eek::eek: .

ما زلنا ننتظر يا ياللي وعدتنا لا تطول علينا :rolleyes: .

[أبو نواف]

غريبة المشرفين محد منهم له أي موقف محرج يبوح لنا فيه . ولا البرستيج حقهم يمنعهم من مشاركتنا؟:cool::cool: .