بناخي لحيان
07-16-2007, 02:51 PM
بسم الله الرحمن الرحيم
اخواني اعضا وزوار منتدى قبيلة لحيان
السلام عليكم ورحمة الله وبركاته
مساكم الله بالخير
قصيده لتواصل امل ان تحوز على رضاكم
.. .. .. .. .. .. .. .. .. .. .. .. .. .. .. .. .. .. .. ..
القلب صندوق الهواجس والاحـزان
والعيـن مخـزن لدمـوع الغزيـره
وحضي يحالي بنـدقٍ دون نيشـان
ولاخير في سلاحي ولا في الذخيـره
والراس من ماقلب الفكـر بحـلان
والرجل بليا كسـر وفيهـا الجبيـره
باسبـاب شـيٍ ماكنيتـه ولابـان
ياصعب ميقاعه وما اصعب مطيـره
همٍ زبن بالقلـب والقلـب مزبـان
حتى هموم الناس بقلبـي خشيـره
والله لـو لصـدر مخـرج وبيبـان
ليفـر قلبـي ميـر يالله ستـيـره
السن يضحك ومحجر العين مليـان
ياواردين العشـق عانـو صديـره
العشق يذبح وعندي في القول برهان
راح الدجيما مـن سبايـب عشيـره
وانا عشيري زين شوفه بالاعيـان
وبيني وبين الزيـن دروبٍ عسيـره
أكحل عيوني بشوفته ويـن ماكـان
واجرح فؤادي بالنضر يـوم اديـره
واغض عيني عنه لو كنت شفقـان
لاشك ماودي القلب يونس حشيـره
والقلب مالاحقه من الهـم نقصـان
ولو طال كتمانـه تبيـن السريـره
اشكي على الله واحدٍ فـرد رحمـان
من واحدٍ خلـى الهواجـس ثريـره
خلٍ عليـه القلـب يـرزم وحنـان
مودهـا وهـي كنهـا مستـذيـره
إن عشت ياراسي فلانـي ببلشـان
-بنقى هوى قلبي وبطفـي سعيـره
بوصف خليلٍ ماصفى لي بصفطـان
خـلٍ منومسنـي ولاهـوب معيـره
البل لها بالقلـب منـزل ومسكـان
نزلـت بقلبـي دون ماتستشـيـره
حرش الوبر واللون من ريش غربان
طـوالٍ جـلالٍ والمناكـب كبـيـره
هدل البراطم عقبها طـوال لحيـان
والخشم فتحاتـه شـروخٍ صغيـره
والعين عين اقطم من طيور سلطان
والرمش صف من الرماح الشهيـره
واما الاذاني كنهـا ابـواز عقبـان
متلاقيـه بالـروس وفيهـا دبيـره
طوال الغوارب كنها قوس مشعـان
موخر سنام من الشحم لـه زبيـره
طوال الخطى يـوم تهـزع بميـزان
درم السماري في الثـرى مستديـره
وفخوذها لا اقفت تقل صـك بيبـان
طويلة النسنوس ولاهـي بقصيـره
وصفٍ وصفته لو انا فيـه عجـلان
واليا تهيـت لـي تزيـن البصيـره
ياليت حضي خيل له سرج وعنـان
واسيره من وين ماابغـى مسيـره
يالله يالي خالـق الانـس والجـان
ياواحـدٍ كـل الـمـلا تستجـيـره
يارب عبـدٍ مامشـى درب حقـران
وانـت العليـم بمقصـده وتعبيـره
ولاني بلد العين في خـدر الاعيـان
لو كـان ماتجلـب علـي المعيـره
قول العطاوي مسنده لابن جرشـان
وليا بغيت ارمـي ماجيـب الاخيـره
الاوله شفـي ولـو كـان ماكـان
نبذل قصـارى الجهـد ويالله خيـره
ولولاي اجر الصوت وازعج باللحان
ماانسل سيفٍ مبطـيٍ فـي جفيـره
وهذا بلا الشاعر ما لسـر كتمـان
يوم إن بعض الناس دلوه في بيـره
وما اخفيت في صدري يبين بقيفـان
وانا للعـب القـاف نفسـي خبيـره
انقى بيوتي نقـوة الذيـب سرحـان
ذيـبٍ مخاليبـه تـداوي ضمـيـره
والبيت مايبنى على غيـر سيسـان
والسـاس معنـىٍ زايـدٍ بتعميـره
وبيت بلا معنى يجـي زود نقصـان
ولاكل طيراً ينعـرف مـن مطيـره
طير البحر يشبه مطيـره لشيهـان
والفعل يفرق وكـل رجـل بنضيـره
وانا طلبت الله عضيـمٍ ولـه شـان
عالم بحالـي والهجـوس العسيـره
والزين غالي والغـلا زود الاثمـان
يالله تعجـل بالوضيـفـه يسـيـره
ولاصغت قافي مقصدي فلان وفلان
قلـبٍ يهوجـس ويتغنـى بعشيـره
http://www.mowjeldoha.com/mix-pic/3barat/www.mowjeldoha.com-3barat-52.gif
البناخي
اخواني اعضا وزوار منتدى قبيلة لحيان
السلام عليكم ورحمة الله وبركاته
مساكم الله بالخير
قصيده لتواصل امل ان تحوز على رضاكم
.. .. .. .. .. .. .. .. .. .. .. .. .. .. .. .. .. .. .. ..
القلب صندوق الهواجس والاحـزان
والعيـن مخـزن لدمـوع الغزيـره
وحضي يحالي بنـدقٍ دون نيشـان
ولاخير في سلاحي ولا في الذخيـره
والراس من ماقلب الفكـر بحـلان
والرجل بليا كسـر وفيهـا الجبيـره
باسبـاب شـيٍ ماكنيتـه ولابـان
ياصعب ميقاعه وما اصعب مطيـره
همٍ زبن بالقلـب والقلـب مزبـان
حتى هموم الناس بقلبـي خشيـره
والله لـو لصـدر مخـرج وبيبـان
ليفـر قلبـي ميـر يالله ستـيـره
السن يضحك ومحجر العين مليـان
ياواردين العشـق عانـو صديـره
العشق يذبح وعندي في القول برهان
راح الدجيما مـن سبايـب عشيـره
وانا عشيري زين شوفه بالاعيـان
وبيني وبين الزيـن دروبٍ عسيـره
أكحل عيوني بشوفته ويـن ماكـان
واجرح فؤادي بالنضر يـوم اديـره
واغض عيني عنه لو كنت شفقـان
لاشك ماودي القلب يونس حشيـره
والقلب مالاحقه من الهـم نقصـان
ولو طال كتمانـه تبيـن السريـره
اشكي على الله واحدٍ فـرد رحمـان
من واحدٍ خلـى الهواجـس ثريـره
خلٍ عليـه القلـب يـرزم وحنـان
مودهـا وهـي كنهـا مستـذيـره
إن عشت ياراسي فلانـي ببلشـان
-بنقى هوى قلبي وبطفـي سعيـره
بوصف خليلٍ ماصفى لي بصفطـان
خـلٍ منومسنـي ولاهـوب معيـره
البل لها بالقلـب منـزل ومسكـان
نزلـت بقلبـي دون ماتستشـيـره
حرش الوبر واللون من ريش غربان
طـوالٍ جـلالٍ والمناكـب كبـيـره
هدل البراطم عقبها طـوال لحيـان
والخشم فتحاتـه شـروخٍ صغيـره
والعين عين اقطم من طيور سلطان
والرمش صف من الرماح الشهيـره
واما الاذاني كنهـا ابـواز عقبـان
متلاقيـه بالـروس وفيهـا دبيـره
طوال الغوارب كنها قوس مشعـان
موخر سنام من الشحم لـه زبيـره
طوال الخطى يـوم تهـزع بميـزان
درم السماري في الثـرى مستديـره
وفخوذها لا اقفت تقل صـك بيبـان
طويلة النسنوس ولاهـي بقصيـره
وصفٍ وصفته لو انا فيـه عجـلان
واليا تهيـت لـي تزيـن البصيـره
ياليت حضي خيل له سرج وعنـان
واسيره من وين ماابغـى مسيـره
يالله يالي خالـق الانـس والجـان
ياواحـدٍ كـل الـمـلا تستجـيـره
يارب عبـدٍ مامشـى درب حقـران
وانـت العليـم بمقصـده وتعبيـره
ولاني بلد العين في خـدر الاعيـان
لو كـان ماتجلـب علـي المعيـره
قول العطاوي مسنده لابن جرشـان
وليا بغيت ارمـي ماجيـب الاخيـره
الاوله شفـي ولـو كـان ماكـان
نبذل قصـارى الجهـد ويالله خيـره
ولولاي اجر الصوت وازعج باللحان
ماانسل سيفٍ مبطـيٍ فـي جفيـره
وهذا بلا الشاعر ما لسـر كتمـان
يوم إن بعض الناس دلوه في بيـره
وما اخفيت في صدري يبين بقيفـان
وانا للعـب القـاف نفسـي خبيـره
انقى بيوتي نقـوة الذيـب سرحـان
ذيـبٍ مخاليبـه تـداوي ضمـيـره
والبيت مايبنى على غيـر سيسـان
والسـاس معنـىٍ زايـدٍ بتعميـره
وبيت بلا معنى يجـي زود نقصـان
ولاكل طيراً ينعـرف مـن مطيـره
طير البحر يشبه مطيـره لشيهـان
والفعل يفرق وكـل رجـل بنضيـره
وانا طلبت الله عضيـمٍ ولـه شـان
عالم بحالـي والهجـوس العسيـره
والزين غالي والغـلا زود الاثمـان
يالله تعجـل بالوضيـفـه يسـيـره
ولاصغت قافي مقصدي فلان وفلان
قلـبٍ يهوجـس ويتغنـى بعشيـره
http://www.mowjeldoha.com/mix-pic/3barat/www.mowjeldoha.com-3barat-52.gif
البناخي