مبارك بن معتق اللحياني (مجالسي) لـغازي رحمه الله

[ابو مبارك]

هذي القصيدة قيلت عام 1399هـ لصديقي وابن العم
المرحوم باذن الله غازي ابن تاجر اللحياني ابو طلال
عندما اشتد عليه المرض وكان في موسم الحج ولم يكن
لدي اي خلفية عن مرضة وماقصرو الجماعة في وقفتهم
مع ابن عمهم المغفور له باذن الله غازي ابن تاجر السويدي اللحياني
فنظمت هذي القصيده من نوع المجالسي



ليلة ثمان وعام تسعة وتسعين =
حجاج يطافون وحجاج ساعين =
حج مصعد محرمين مهللين =
يطلبون الله رب العالمين =

****


العرب في حج وبيع ومشترى =
عنك ياغازي ترى محد درى =
والله انا ماعلمنا الي جرى =
عذري لله ولرجال الغانمين =

****


ماعثر مافي ونه وونات =
عزوتك مثل الجبال النايفات =
ساهرين الليل دونك ماتبات =
علم ثابت مايبلة شاهدين =

****


تنشر البيضا عليكم ياقبيله =
يارجال أدل ماتبغى دليله =
والمقدر مامعاكم فيه حيله =
طالبك يالله تعين المستحين =

****


قام راشد وانتهض مثل الحصان =
ماحسب لاعشره ولاثمان =
لايشاور لافلان ولافلان =
لايجنب لايسار ولايمين =

****


ارسل لي سابح وقال ابذل المال =
والله لو نخسر ورى مالنا حال =
عند اللزوم نقوم في سرع الاحوال =
هذي عوايدنا على طول السنين =

****


لاصغير ولاكبير مقصرين =
كلنا ياعزوتي متكاتفين =
والمعزة للرجال الطيبين =
يالله انصرنا على تقوى ودين =

****


لاني بشاعر ولاعاشق طروب =
والله اني صادق ماني كذوب =
ياعزيزين المباني والدروب =
اعذروني وسلمو ياسالمين =

كلمات / مبارك بن معتق الحصيني اللحياني

[ابويوسف]

السلام عليكم ورحمة الله وبركاته ................. صح لسانك يابو خالد

الله يعطيك العافيه ومعروف من انت ذهب والذهب مايصدأ,وقفتك وقفت الجماعه مع والدي يرحمه الله
العرب في حج وبيع ومشترى ومعذورين ماكان هناك وسائل لنقل الاخبار مثل ليوم

يابوخالد الله يعطيك طولة لعمر

ابن صاحبك / طلال بن غازي اللحياني

[عمير بن عويمر اللحياني]

رد عمير بن عويمرالسويدي اللحياني على مجالسي مبارك الحصيني اللحياني

أخي الفاضل الشاعر مبارك بن معتق الحصيني اللحياني حفظه الله
السلام عليكم ورحمة الله وبركاته
كل عام وأنتم بخير
إن ما قمنا به تجاه إبن عمنا غازي بن تاجر السويدي اللحياني رحمه الله ما هو إلا واجب تفرضه علينا أواصر المحبة والرفقة التي بيننا.
ورداً على المجالسي الذي بعثت به للمنتدى أقول :


حنــــا وقفنـــا في لـزومٍ وغصَّــــاب
ما همَّنــــــا مدحٍ من الناس الاجناب(*)
ورفيقنا لا جاه من بعض الأســــباب
حنَّا ذرا راســــه على طول الايَّــــام
......................وعيبٍ على من جا لزومــه وخــلاَّه



والـلــه إنَّـــا فالنــوايـب كـــالظـــلال
للقــــريـب وللبعيــــد مــن الرجـــال
مـــا نقصِّــــــــر لا بحــال ولا بمــال
مـن نصـــانا والـلــه إنَّـه ما يضـــام
......................ومن يصـنع الطيِّـب مع الناس يلقـاه



يا بو مشاري ما حصل منكم قصور
عذركــم مقبـــول في كــل الأمــــور
جعل ربِّي يجعل ايَّـــامك ســـــــرور
يـــا عريب الجــد يا نســـــل الكرام
......................وعسى البيض منَّا للحصيني تغشَّاه



بـــارك اللــه فيك يا لرجَل الأصــيل
راعي المــعروف والعـلـم الجميـــل
قـمـت بــالواجب وقدمـت الجـزيـــل
كلنــــا بالحـــق نشــــــهد للكــــرام
......................ومنه ســـــــــواتك علَّنا ما عِدمناه



هـــذي لكــم منَّــــا تحيـــه يا فطين
ريـحها عنبر ومســــك وياســـمين
وحنَّا على ما قلت فينا شـــــاكرين
لك سـلام ولك تحيـــــــــه واحترام
......................ومن يصنع الطيِّب مع الناس يلقاه



حق ما قلتـــه وقـول الحــق نــــور
كل ما قلتـــه كتبتـــه فالســـــــطور
واســـمحولي كان في قولي قصور
يالرجــــال اللــــي تفقـد فالكـــــلام
......................وكـلٍ بنـــا قافـــه على قيـس معناه
(*) يقصد بالاجناب الناس الآخرين أما أنتم فلستم بأجناب .


تقبل تحياتي يا أبا خالد

عمير بن عويمر السويدي اللحياني
أبو طارق

[ابوعبدالله]

صح لسانك يابو خالد والله يرحم غازي بن تاجر اللحياني
مشكوووووو أبو طارق على الرد على المجالسي
تحـــــــــــــيـاتي///// ابو عبد الله

[فديتكم]

رحم الله غازي بن تاجر واسكنه فسيح جناته

ماقصرت يابو خالد في القصيده والله يعطيك العافيه,

لاكن طمعانين نسمعها بصوتك مجالسي

ولا تبخل علينا بمجالسياتك ونبي نسمعها بصوتك

ولا عدمناك يابو خالد
وطول الله عمرك

ومشكور يابو طارق على الردّ وماقصرت

تحياتي لكم